MLPC study group-in report pe hnai; Parameter 10-IN zirchiang

Aizawl: Mizoram Liqour Prohibition and Control Study Group te chuan thla 10 dawn an zir chian hnuin Sawrkarah report an thehlut hnai tawh niin thudawnna chuan a sawi a, Budget session a pharh hman turin tunah hian a hmawr bawk mek niin tehfung 10 hmangin zirchianna hi kalpui a nih thu dawn bawk a ni.

A tir lam kha chuan December 2017 chhungin study group hian an thil zir chu thehlut tura tih an ni a, hun an dil belh angin pawhseisak an ni ta rih a ni. Tehfung (parameter) hlawm 10-a then niin Consumer-te zirchian an ni a, zu in thinten chhiah sang se eng zatin nge zu man tihto an ngam? tih te, zu in an hnathawh a nghawng dan te, nun a nghawng dan (quality of life) te zir a ni a. Zu kaihhnawih inchhungkhur buaina a kaihchhuah te leh a dang a tel bawk a ni.

Retail & Producer surplus lam zirnaah chuan a zuartute engtin nge a nghawng tih lam zir a ni bawk a, hna a siam belh dan, rent for premises,  entrepreneur ten an hlawkpui dan te leh dangte a tel bawk a ni. Chhiah leh duty hran hrang atang sum lut zat zirchian tur zingah a tel bawk a. Hetih rual hian healthcare a nghawng dan chu zirchian tur zinga hautak tak a ni bawk a. Zu in thatpui leh chhiatpui dan te, zu kaihhnawih vanga inenkawlnaa senso te,  healthcare a tihpun dan te zir tel a ni bawk a ni.

Zirna lam a nghawng dan zir chian a ni bawk a, sikul leh college zirlaiteah an zirlaia nghawng a neih dan te, zirlai zir zawm thei lo leh nghawng dangte tih tel a ni bawk a ni. Police leh justice system lamah police chetvelna leh senso dang te, dan kengkawhtu leh organization dang insensona te enchian a ni bawk a.

Kohhran leh khawtlangin zu chungchanga hma na lakna te enchian a ni a, zu ngawl veite tan campaign, camping, crusade, rehab neih a nih dante leh vigilance ang zawnga khawtlang hmalaknate zirtel a ni bawk.

Zu in ve lote a nghawng dan chu zir bingnaah hian tihtel a ni a, laina hnai an buai dante, zu kaihhawih buainate, traffic accident, sualna leh tharum thawhna a thlen dan te a ni tlangpui a.

Zu in ve lo zu in chingte vanga hriselna a nghawng dan leh zu in ve lo te an eizawnnaa a nghawng theih dan (productivity loss for non users) leh a dangte a tel bawk a ni. Zu leh drug inlaichinna zir tel a ni bawk a, zu zawrh a nih hnua drug tihchingte zuah an insuan em? tih chu thlur mar tur zingaa mi a ni a, hei bakah hian tum lawk loha naupai, sex atanga natna inkaichhawn theih natna darh dan te enchian a ni bawk a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?