MNF in furpui beihpui nei zel

Aizawl: MNF Gen.Hqrs. chuan nimin zing khan Aizawl khawpui hmun hrang hrangah ‘Furpui Campaign’ an neih chhunzawm a, campaign hi Sairang, Durtlang Leitan, Zarkawt, New Market, Bethlehem Vengthlang, Sikulpuikawn, Bungkawn, Dinthar leh Ramhlun South-ah te neih a ni.

Lalruatkima MLA chuan Sairang Dawrkawnah thu sawiin, “Congress party chuan Pathian programme an tih hial vaibelchhe sangthum chuang senna NLUP an hlawhchhampui a, an flagship programme ber pawh an hlawhchhampui chuan he sawrkar hi a hlawhchham let der tihna a ni a. Chuvangin, he sawrkar hi Pathianin rorelna pek zel tlakah a ngaih ka ring lo,” a ti. Ruatkima chuan, “Congress sawrkar-ah hian Development a chawl thuap a, ram hmasawnna leh ram rorelna hi kalpui ngaihna an hre thlawt lo a ni,” a ti bawk.

Er Lalrinawma MLA pawhin Bethlehem Vengthlangah thu sawiin, “Fur ruahtui lo thleng tur hmachhawn tura inbuatsaihna kan neih loh avangin heti khawpin Mizoram kawng a lo chhe ta a ni,” a ti a. MNF a sawrkar chuan school tan hun sawn hma chu a ennawn dawn niin a sawi. Er Lalrinawma chuan Mizoram ah Trading regulation kan neih loh avangin Mizo sumdawngte pawh an him ta lo tih sawiin, “MNF kan sawrkar a nih chuan sumdawngte himna hi kan ngai pawimawh hle dawn a ni,” a ti bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?