MNF MLA ten Tuirini lei tlawh

Aizawl: Nimin khan MNF MLA te chuan Tuirini lei chim avanga khualzinte harsatna tawhte a hmunah tlawhin an enfiah a, MNF Thalai hruaitu eng emaw zatin an tawiawm.

Lei tlawhtu zinga mi Lalruatkima MLA chuan, “He lei chim hi thla thum zet a ral hnuah pawh hetiang a la nih avangin mipui kan buai a, damlo phurh leh châk lak chungchangah harsatna tam tak a lo awm ta a. He lei chim chungchangah theihtawp chhuaha helai chhehvel tlawmngai pawlten hnatlanga an pui chung pawha hetiang kan ni hi a beidawnthlak kan ti a. Chuvangin, helai bailey bridge an dawh kai thei lo a nih pawhin, a helna siama tipuitling thuai turin sawrkar kan phut a ni,” a ti. Lalruatkima chuan lei chim chu thiah a nih loh chuan Thawhtanniah hnatlangin an thiat dawn niin a sawi bawk.

Er. Lalrinawma chuan lei chim chhan chhui tura sawrkarin magisterial enquiry a dinin report an la ti lo tih a sawi bawk. Vanlalzawma, Dr. K.Beichhua te pawhin lei hi an tlawh a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?