MPF leh political party thawhhona

Mizorama kohhran hrang hrang leh tlawmngai pawl liante telna Mizoram Peoples Forum (MPF) chuan kar hmasa leh tunkar tir khan Mizoram a political party hrang hrang office-ah te thawhhona thuthlung an hlan a. Thawhhona thuthlung hi November 10, 2017 (Zirtawpni) khan MNF office (Mizo Hnam Run), Congress office (Bhavan), BJP Office-ah te hlanin a thawh hnihna atan ni 13.11.2017 (Thawhtanni) khan PRISM leh Tangrual pawl (ZPM) Office-ah te an hlan leh a ni.Mizorama kohhran hrang hrang leh tlawmngai pawl liante telna Mizoram Peoples Forum (MPF) chuan kar hmasa leh tunkar tir khan Mizoram a political party hrang hrang office-ah te thawhhona thuthlung an hlan a. Thawhhona thuthlung hi November 10, 2017 (Zirtawpni) khan MNF office (Mizo Hnam Run), Congress office (Bhavan), BJP Office-ah te hlanin a thawh hnihna atan ni 13.11.2017 (Thawhtanni) khan PRISM leh Tangrual pawl (ZPM) Office-ah te an hlan leh a ni.

Tun tumah hian MPF te hian kum 2008 leh 2013 a thawhhona thuthlung te chu siamthain political party ten an zawm theih ngei tur nia lang leh party te pawhin an pawm theih tura siam a ni a. Hetia thawhhona thuthlung siam a nih chhan ber chu Mizoramah inthlanna thinghlim leh fel fai awmse tih duhna atanga lo chhuak a ni.

Mizoram hi state dangte ngaihtuah chuan kan inthlan dan kalphung pawh a la felfai thawkhat viau mai a, Election Commission of India pawhin min fak a ni. Mahse, hetih lai hian siamthat tur tam tak a la awm a ni tih chu mi tinte pawm dan a ni ang. State thenkhata tharum thawhna chi hrang hrang, inthah, inrukbo, ballot box chhuhluih leh thil dangte awm ve chiah lo mah se mi tam tak chuan MLA a ni emaw inthlanna chi hrang hrang hi mahni hamthatna atana hmangin candidate te sum dil te, eng emaw kar chhuahna atan te hman tum kan awm thin a ni. Chutih lai vek chuan candidate zingah pawh dik lo taka mipuite buma, an retheihna remchanga hmanga sum hmanga inleite pawh a awm a ni. Heng zawng zawng hi a reh theih nan MPF chuan theihtawpin hma a la a, an hmalakna hi political party te pawhin tih hlawhtlin an tum thu an sawi vek a, thil lawmawm tak a ni.
Political party te hian thawhhona thuthlung hi an pawm vek avang leh tih hlawhtlin an tum thu an sawi vek avang hian nakum maia Mizoram in MLA general election a neih tur pawh kum dang aiin a thianghlim lehzual beisei ila. Chutih rual chuan MPF lam pawhin thawhhona thuthlung hi political party ten an zawm/tihlawhtling em tih chik taka a en zui a pawimawh. Thawhhona thuthlung tihhlawhtlin tumtu political party zingah hian zawm lo emaw a ruka thil lo ti an awm a nih chuan mipui hriatah timualpho ngam teh se. Mipuite pawhin thil dik lo ti an awm chuan huaisen taka kan dodal a pawimawh. Kan zavaia kan tanrual chuan Mizoram inthlan hi inthlanna thinghlim leh state dangte entawn a ni chhunzawm zel thei ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?