MZP vrs Assam Police, 49 hliam

Aizawl: Nimin chhun khan Bairabi Zophaia Zofate Chawlhbuk sak tum MZP-te leh Assam police-te an innawr leh a, Assam Police-te hian silai hmetpuakin kut an thlak bawk a, hliam an awm nual.Aizawl: Nimin chhun khan Bairabi Zophaia Zofate Chawlhbuk sak tum MZP-te leh Assam police-te an innawr leh a, Assam Police-te hian silai hmetpuakin kut an thlak bawk a, hliam an awm nual.

Thudawn danin MZP-te hian Ch.Chhunga nupuiin ram a pekah hian in ban tal phun tumin an kal a, Assam police-te hian an lo dang a. MZP hruaitute hian buaina siam an tum loh thu leh ban tal phun phalsak tura ngenin an su tlang lui zel a. Thawk leh khatah a sir tawn tawn atangin Assam police-te chuan an rawn bawrin zirlaite chu an hlap ta niin thudawnna chuan a sawi a. Hnung lama silai puakin Ricky Lalchhandama chu a keah silaimuin a hliam a, PHC ah hruai nia sawi a ni bawk. Mizo Zirlai hruaitute leh anmahni zuitute chu an sahimna zawngin an tlandarh ta a ni. Kawngpui dunga tlanchhiate chu police-te chuan umzuiin vuain an pet bawk a. Mihring an tlan darh hnuah MZP te riahna hmun hi suasamin an ei tur te paih darhin an thawmhnaw thlengin an hal a, kawngpui sira an Bullet bike chu halin car pakhat an vaw chhia niin MZP hruaitute chuan an sawi.

Kutthlak tuar Bairabi damdawiina hliam enkawl zat chu 49 an ni a, an zingah hian MZP hruaitu hlui leh tuna tanglai mek te pawh an tel a ni. Nimin vek khan zirlai lungawi lote hi Bairabi Police Station tualah an pungkhawm a, Chief Minister chu bâng tura an phut thu an aurual a ni.

Nimin he chanchin buatsaih lai thleng hian Bairabi Zophai pan tum mi eng emaw zat chu Mizoram police-ten Rengtekawnah an dang mek a, Mamit lam atang mi eng emaw zat Bairabi-ah hian an thleng leh bawk nia hriat a ni. He chanchin buatsaih lai hian hliam tuar leh zirlai eng emaw zat chuan Aizawl an rawn pan mek a, vawiin hian an kal zel dan tur relin meeting an nei dawn nia thudawn a ni.

Hetih lai hian Zirtawpni zan khan Bairabi Zophai bul hnaia awm leilet enkawltu hnam dang (vai) in pahnih chu a kang a, pawikhawihtute hi hriat ni chiah lo mah se MZP tihhmingchhiat tumtute hal nia rin a ni a. In kan lai hian in neitute hi an awm lo a ni.

Bairabi thil thleng chungchangah hian SSU leh PRISM chuan sawrkar an dem tih thuchhuah siamin an tarlang a. MIMA pawhin MZP chu an thlawp tih sawiin he buaina denchhena tumah Mizo sumdawngte an thil zawrh tito lo turin an ngen tih an sawi bawk.

***Nimin chawhnu dar 2 khan Mizo Students Union (MSU) hruaitute chuan Bairabi thilthleng chungchangah hian Chief Minister an hmu a, hma laksak nghal turin an ngen. Chief Minister an hmuh zawh hian CM gate bulah zirlaite hi pungkhawmin darkar 24 chhung neia Assam Police te chu inhnukkir tura an phut thu te, zirlai hliam tuarte zangnadawmna an phut thu te, hnamdang pawnchhuak rih lo tur leh NE Frontier railway te hnathawk chhunzawm lo tura an tihna resolution an pass a ni. MSU hian naktuk Thawhtanni atangin Home Minister R.Lalzirliana bang tura nawr an tum nia thudawn a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?