Nguna leh Op-i’n MULCO tlawh

Aizawl: A.H & Vety Minister C.Ngunlianchunga  leh Cooperation Minister Vanlalawmpuii Chawngthu te chuan Zirtawpni khan Mulco Complex Thuampui an tlawh a, Pasteurization Unit, Packaging Unit leh Processing Hall te an tlawh a, bawnghnute sawngbawl dan leh bawnghnute atanga ei tur chi hrang hrang siam dante an enho bawk.

AH & Vety Minister C. Ngunlianchunga chuan Gujarat-a Milk Cooperative Society, AMUL ang khuan MULCO pawh hian Mizoram chhungah bawng vulhtute chak zawka phuar khawmin nasa lehzualin  hma a sawn theih ngei a rin thu a sawi a.

Society 39 zingah 9 lai function lem lo an awm chu pawi a tih thu sawiin, bawnghnute processing capacity litre 15000 a nih laia an dawn zat erawh litre 6700 bawr vel chiah a la ni chuan bawng vulh kawngah tan lak thar a tulzia a tar lang, a ti a. MULCO thawktute chu bawnghnute leh bawnghnute atanga ei tur an siam chhuahte ram pawn thlenga hralh chhuak tura tan la turin a chah bawk.

Cooperation Minister Vanlalawmpuii Chawngthu pawhin MULCO Board member te chu an term an chelh chhungin hmasawnna kawng eng emaw tal neih belh zel tum turin a fuih bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?