Nurse zirchhuakte thlah

Aizawl; Nursing School, Synod Hospital, Durtlang-a Graduate tharte pualin Thawhlehni khan Chapel Auditorium-ah Graduation Day hman a ni a, Synod Moderator Rev. F.Lalrinnunga chuan Khuallian niin a hmanpui.

Graduation Day vawi 16-naah hian Graduate thar mi 32 an ni a. Inkhawm hi Dr. Lalbiaksanga Hnamte, Librarian leh Mary Lalhlimpuii, Sister Tutor ten an kaihruai a, Pi C.Lalrintluangi, Nursing School Principal-in thusawina hun a hmang leh a, Khuallianin zirlai chhuak turte hnenah Certificate a hlan a, thu a sawi a, Award hrang hrang a sem nghal bawk.

Nursing School, Synod Hospital hi kum 1928 February thla khan din tan a ni a, a din tirh chuan zirlai 2/3 lek neiin Missionary Sapten bul an tan a, 1950 vel atang kha chuan Mizo Nurse-te an lo tel ve tan a. Zirlaite pawh pung ve hretin, anni hian a remchan dan angin Lecture leh Demonstration-te an tihpui thin. Zir chhuak tawh hi 1,268 vel an ni tawh a, Missionary Nurse-ah te pawh Durtlanga zir chhuak hi 60 chuang lai an awm ve tawh a ni.

GNM Course hi kum thum leh a chanve zir a ni thin a; mahse, Indian Nursing Council-in kum 2015 atang khan kum thum chhung zir turin thu a rawn chhuah a, Internship Year a rawn titawp ta a ni.

Tuna Graduate tharte hi 2014 batch an ni a, anni hi Internship Year nei hnuhnung ber an ni ta a. Kum 2015 batch atang hi chuan kum 3 course a nih tak avangin tun kum 2018 October-ah tho hian an chhuah a ngai ve dawn ta a. Chuvangin, kum dang ang lovin, kuminah hian Graduation Day hi vawi hnih hman a ngai dawn a ni.

Award hrang hrang dawngtute
Pi Kapliani Award for General Proficiency Award 2014-2018 : Lalrinkimi Sailo
Pu Chawnga Award for Best Outgoing Student 2014-2018 : H.K.Ramnghinglovi
Pu Zaluta Award for Best Performance in Community Health Nursing 2014-2018 : Lalrinzuali
Pu Nghaka Award for Best Performance in Medical-Surgical Nursing 2014-2018 : Vanlalduhsaki
Pi Zautei Award forBest Clinical Performance 2017-2018 (Staff Nurse) : K.Lalnuntluangi, Staff Nurse

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?