Oil palm hmun Subject committee-in an tlawh

Aizawl: Mizoram Legislative Assembly hnuaia Subject Committee-III chuan an Chairman R. Vanlalvena MLA hovin Zirtawpni khan Lawngtlai District-a oil palm chin leh sawngbawl kawnga Agriculture Department (Crop Husbandry) leh Ruchi Soya Company te hma lakna a hmunah kalin an enfiah.

Subject Committee-III te hian Vaseikai hmuna oil palm nursery leh a chinna hmun te an tlawh a. Nghalimlui Community Hall-ah oil palm chingtute nen inkawmhona neiin oil palm chingtute chuan Subject Committee te hnenah hian an dinhmun report an pe. Chairman R.Vanlalvena chuan oil palm chingtute chu department mi thiamte ring tawk tur leh an thu sawite zawm turin a fuih a. Director of Agriculture (CH) J.Lalzamliana pawhin Direct Benefit Transfer (DBT) system hman a nih tawh a, pawisa reng reng kut hnathawktute hnena a kal tlang nghal zel tawh avangin hlawhtlinna chu kut hnathawktute kutah a innghat nasa zual tawh hle a ni tiin, an sum dawnte chu rinawm taka a nihna tur taka hmang turin a chah bawk.

Kum 2017-2018 chhunga Lawngtlai District-a oil palm chinna hmun zau zawng chu hectare 398 a ni.Subject Committee-III te hian nimin khan Aizawl an pan leh.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?