Ola leh garage chungchang

Traffic Management Committee chuan khawpui lirthei chevel tawt lutuk tih ziaawm nan hma a la mek a, chung zingah chuan lirthei nei zawng zawng te’n garage an neih theih na turin dan dinglai chu khauh zawka ken nise tih a ni a; chumi lo lehah chuan mobile phone application hmangin khawpui chhunga passenger lirthei (cab/taxi) te tlantir tum a ni bawk a ni.

Mobile application hmanga cab/taxi tlan tir hi bawhzui zel niin UD&PA Department chuan Ola company a dawr mek a ni. Hetah hian fimkhur a ngai hle mai. Application hmanga cab service pek dawn chuan kan sawi fo thin internet a that a ngai hle mai a, tuna kan neih ang hi hmun tam takah hman tlak a ni ang em? tih te ngaihtuah chian a ngai a, a chak lam ngawt ni lovin a mumal a ngai a, hei lo pawh hi technical harsatna awm thei tam tak a la awm ang.

India ramah hian Mobile application hmanga cab service company lian 2 an awm a, tunlai hian Ola hi a aia lian zawk Uber company chuan a la dawn nia sawi a ni mek a; hetiang hi dinhmun a nih chuan a hnua buaina a awm loh nan fimkhur a ngai hle tihna a ni.

Lirthei neite chu dan dinglai angin a dahna tur nei tur an ni a, vantlang hmun a bikin kawngpui leh hmun dang tihnawk emaw dal zawngin emaw an lirthei te hun thian a ni lo va. Hman deuh khan he Dan hi Transport Department atangin a rawn ri hluai a, a tir lamah khauh taka kalpui niin garage neih leh neih loh chu a hmunah enfiah a ni thin a, mi tam takin garage an neih phah a ni. Mahni chenna in hnaih khera garage nei thei lo te pawhin Veng thenawmah te pawh an motor an dah hial a ni. Hei hi tunah pawh a theih theihnaah kalpui ni mah se hun eng emaw lai atang khan khai rual loh a nih avangin tunah hian lirthei nei zingah dahna hmun fumfe nei lo an tam hle a, thenkhat chuan kawngpuiah te an dah mek bawk a ni.

Garage nei vek tur hian Traffic Management Committee lam chuan Transport Department chu hma la turin a ti a, ni 400 dawn a la awm atang khan chanchinbu lamah a khat tawka hun neih zah tihchhuah a ni thin a, tunah hian thla 6 awrh chauh a awm tawh a chung te pawh chu chanchinbu lamah tihchhuah a ni fo a ni. Heti chung hian garage nei tura hmala mipui atangin an awm belh lo hle a ni.

Hun reilo teah garage nei tura hun pek chhung hi a liam mai dawn a chumi hunah chuan sawrkar hian a la nei lote chungah action a lak ngam a ngai dawn a, la ngam tak tak silova a en liam ngawt a nih chuan Dan zawma thuawihtute leh an mahni tantute dem a hlawh hle dawn a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?