Pastor Quarters hawng

Aizawl; Shillong Baptist House/Pastor Quarters thar, January thla atanga sak tan chu zo felin, Nilaini khan BCM General Secretary, Rev. F.Ramdinmawia’n Pathian hnenah hlanin a hawng.

Baptist House sak thar hawnna inkhawm hi Rev. RLalnunzira, Shillong Pastor Bial Chairman-in a kaihruai a, Upa Sailothanga Sailo, Bial Secretary, Shillong Pastor Bial-in report pe-in Rev. Dr. K.Lalrinthanga, Executive Secretary, Aizawl leh Rev. F.Ramdinmawia, ten thu an sawi a ni.

Shillong Baptist Pastor Quarter leh Guest Room thar hi tuna Baptist House luah lai chhawng chung bera sak niin a sak nan hian Rs. Nuai 37 vel hman a ni a. Pastor Quarter bakah Guest room (Cabin) pathum a awm nghal a ni.

Thawhtanni tlai khân Mission Cengthlang Pastor Bial, Aizawl, Pastor Quarters cheng nuai 48 sênga sak chu Rev. F.Ramdinmawia hian a hawng bawk a. Quarters sak nan hian Headquarters atanga tanpuina an hmuh Rs. Nuai 10 bâk zawng chu Bialin nikum January atanga sa tanin tha takin an zo thei ta a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?