PBS Farewell & Dedication hun hmang

Aizawl; Presbyterian Bible School chuan Zirtawpni khan 39th Batch Farewell & Dedication Programme chu Pi Zaii Hall, Synod Conference Centre-ah an hmang a, Synod Moderator Rev. Lalzuithanga’n zirlaite hlanna leh thuchah a sawi.

Synod Moderator hian inkhawm kaihruaiin Synod Secretary Rev. Lianhmingthanga Sailoin zirchhuakte hnenah certificate a hlan a. Zirlai titha leh Class kal kimte hnenah Rev. Vanlalrawna, PBS Committee Member-in lawmman a hlan a, Pu C.Awithanga Award pawh Pu C.Awithanga chhungten an hlan bawk.

PBS-ah hian a din tirh atangin zirlai 1875 an awm tawh a, 1574-ten an pass tawh a. Batch 39-naah hian zirlai 53 an awm a, 46 pass-in fail an awm lo va, exam lo 7 an awm.

Kum 2014 atangin zirlai zinga Christian Theology leh Church Administration & PCI Constitution Subject-a titha ber hnenah Pu C.Awithanga Award hlan thin a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?