Praise On buatsaih leh dawn

Aizawl; Nikuma hlawhtling taka a lo buatsaih tawh, Praise On chu Mizoram Synod hnuaia Information & Publicity Committee chuan kuminah hian a buatsaih leh dawn a, kuminah erawh chuan mi mal zai thiam zawnna ni lovin, group zai thiam zawnna a ni dawn a. September 26, 2017 atangin tan a ni dawn a, KTP Branch bakah Bial pawh a tel theih dawn a ni.

PRAISE ON 2017 hi Khatla Kohhran, Aizawlah nghah a ni dawn a, September 15, 2017 thleng a tel duh tan hming pek theih a ni a. KTP Branch khat atangin duh zah zah group zai tur tel theih a ni a, Branch mala tel remchang lo tan pawh Bial hming pawhin tel theih a ni ang a. Group khatah hian member 3-8 a awm theih dawn a ni.

September 26-30, 2017 chhungin chhun lamah Audition Round neih tur a ni a, he round-ah hian hla duh ber pakhat, thunawn nei a nih chuan chang 2 leh a thunawn, nei lo a nih chuan chang 3 thleng sak tur a ni a, a hâng-a sak tur a ni ang.

Audition Round paltlangte chu October 11-13, 2017 chhungin chhunah tho 2nd round intihsiak neih tur a ni a, he round-ah hi chuan hla pakhat a tluana sak tur a ni a, Keyboard leh Acoustic Guitar hman kawp emaw, pakhat chauh hman pawh a theih ang.
November 2 & 3, 2017 chhungin zanah 3rd round intihsiak leh tur a ni a, hla pakhat a tluanin, keyboard leh guitar bakah music track pawh hman theih a ni dawn a. November 21, 23 & 24, 2017-ah final neih a ni ang.

PRAISE ON 2017 hi zaia Pathian rawngbawlna kawnga Kohhranin hma a sawnna leh zaia Chanchin Tha puan darhna atan te, thinlung leh tih tak zeta Pathian faka zai mi an lo pun zel nan te, he lama talent neite pho chhuahna remchang kan lo neih nan leh Hruaina Eng TV Channnel hmasawnna atana buatsaih a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?