PRAISE ON KTP GROUP ZAI INTIHSIAKAH DAM VENG BRANCH

Zirtawp zan kalta khan — Praise On 2017 — intihsiakna chu zawh fel a ni ta a. Grand Finale zan hnih intihsiakna an neih hnuah — Dam Veng Branch — chu pakhatna an ni. Zirtawp zan kalta khan — Praise On 2017 — intihsiakna chu zawh fel a ni ta a. Grand Finale zan hnih intihsiakna an neih hnuah — Dam Veng Branch — chu pakhatna an ni.

Kumin September atanga Synfo buatsaih — Fakzai hunpui Praise On 2017 — KTP Group Zai intihsiakna hmawr bawk a ni ta. Khatla Presbyterian Kohhran Hall-a result puanna neihah — Dam Veng Branch — chu pakhatna an ni a. Pakhatna lawmmanah cheng nuai khat (Rs. 100000) leh certificate an dawng a, pahnihna chu Chanmari veng Branch niin, cheng sing nga (Rs. 50000) leh certificate an dawngin, pathumna Dawrpui Veng Branch chuan cheng sing thum (Rs. 30000) leh certificate an dawng bawk.
Praise On 2017 result puan zanah hian a sang pathumte hnena lawmman hlan a nih bakah, Branch pahnih hnenah Award hlan nghal a ni bawk a. Armed Veng Branch hnenah — Best Combination Award — hlan niin, Most Inspiration Award chu Muallungthu Branch in an hawn ve thung.

Synfo buatsaih KTP Group zai intihsiakna Grand Finale-ah hian Top 10 an thlan chhuah chinte chuan zan hnih intihsiakna an nei a. Zan khatnaah hian — Kristian Hla Bu Zan — hman a ni a. Kristian Hla bu-a hla sak tur thlan theih hi pali chhawpchhuah a ni a. Mizo irawm chhuak pakhat, kan Zosap hla siam pakhat, Pastor hla phuah pakhat leh Upate lehlin hla pakhat atanga an duh ber thlang chhuakin, intihsiakna an hmachhawn a. Zan hnihnaah hian Top 10 te’n an hla chuam pakhat thlan chhuah hmangin an intihsiak leh theuh bawk.

Zan hnih Grand finale an neih atanga result hi siam niin, lawmman dawngtu a sang pathumte bakah Armed Veng, Chawnpui, Electric Veng, Govt. Complex, Tlangnuam West, Tuikual North leh Kanan Veng-te an intihsiak a ni.

Khatla Presbyterian Kohhran Hall-a result puanna neih hi a zawn vawi hnih Praise On host tawh Mahruaii chuan thiam takin a kaihruai a, Rev. B. Sangthanga, Synod Executive Secretary i/c SYNFO & KTP chuan lawmman semin, award hrang hrang hi R. Lalnuntluanga, Synfo Coordinator, Upa Zonunmawia, CKTP GS, K. Lalruatpuia, Synod Choir Director te’n an sem bawk.
Praise On Organising Secretary Upa VL Muanchhana chuan report pein, Upa Samuel Laldingliana, Organising Member-in hunserh a hmang a, Mizoram Synod Choir leh Praise On hmasa bera pakhatna dinhmun luahtu R. Lalrinmawii (Arini) te an zai a ni.—————–

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?