Pro. Pastor Orientation Programme

Aizawl; Probationary Pastor tharte puala Orientation Programme chu February 26-March 1, 2019 chhung khan Synod Conference Centre-ah neih a ni a, Orientation programme a tel tura beisei Pro. Pastor 16 te chu kim takin an kal thei vek.
February 26, 2019 tlai khan Rev. Lianhmingthanga Sailo, Senior Executive Secretary chuan Inlawmna leh Keynote Address neiin Orientation hi bul a tanpui a, March 1, 2019 zan khan Synod Moderator, Rev. R. Lalhmingthanga kaihhruainain Officers’ Meet member-te nen inkawmnahona hun neiin Orientation Programme hi khar a ni.
Orientation-ah hian subject pawimawh tak tak 16 – Rev. Lalramliana Pachuau, Finance Officer-in Pastor leh Upate thawhpui dan tur; Rev. P.C. Pachhunga’n Church Administration, Rev. Lalsangbera, Director, FG&CC-in Pastoral Care and Counselling, Upa Lalrinmuana, Superintendent, Synod office-in File Vawn leh Office dawr, Upa Prof. Lianzela’an Mipuiten Pastor an beisei dan, Rev. K.Vanlalrova Khiangte, Secretary (Jr.)-in Mission Issues, Revd. Chuauthuama’n Synod Rule & Regulations, Rev. K.Lalpiangthara’n Pastors’ Commitment, Rev. H.Remthanga’n Synod Department leh Committee, Rev. R.Lalchangliana’n Revival Issue & Pastoralia, Rev. K.Lalrinmawia, Executive Secretary-in Pastor leh Materialism, Rev. F. Lalchhuanmawia’n Pathian Biak Inkhawm hruai dan, Rev. F. Lalrinnunga’n Lifestyle of Pastor, Rev. Lalchungnunga, Director, Campus Ministry-in Information leh Social Media leh Rev. R.Vanlalnghaka’n Secretary (Sr.) Inkhawmpui leh Committee Kalhmang te zirpui an ni.

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?