Property tax lut tha- AMC

Aizawl: Aizawl Municipal Corporation (AMC) chuan kum kalta 2016-2017 chhung khan Property tax atangin sum an hmu tha hle a, property tax khawn tura an tih Local Council 83 atangin a lut kim vek a ni.

AMC Commissioner Dr. H.Lalthlangliana’n Zalen a hrilh danin kum kalta April 2016 atanga March 31, 2017 inkar chhung khan AMC chuan property tax atangin Rs. 21,85,351 an hmu a, kum hmasaa sum hmuh Rs. 1,14,18,170 chu 91%-in an khum niin a sawi. AMC Commissioner chuan property tax khawntu Local Council te chu an rintlak hle nia sawiin an thehlut vek a. Mi thenkhat pe lote pawh an pek duh loh hrim hrim vang ni lovin complaint la chinfel loh te, chhut that ngai leh engemaw harsatna bik neite an ni tiin AMC thawktute chu mipuite lakah an lawm hle tih a sawi.

Kumin a property tax atanga sum hmuh zinga Rs. 8,39,007 hi sawrkar building atanga hmuh a ni tiin AMC Commissioner chuan hetih laia tunhnaia sawrkar department thenkhat ten an pe tha lo nia media lama lo lang chu AMC chuan pawi an ti hle tih a sawi a, sawrkar department te hian an pe tha hle niin a sawi bawk.

Property tax atanga sum hmuh 5% hi a khawntu Local Council hnenah peklet leh a ni dawn a. AMC chuan kumthar atan building assesment tih thar leh thuai an tum bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?