Red Kettle sum hmuhte sem

Aizawl; Salvation Army India Eastern Territory-in nikum Krismas dawna mi dangte tanpui nana Red Kettle Service a buatsaiha sum hmuhte chu Territorial Headquarters chuan a mamawhtute hnenah a sem chhuak ta.Aizawl; Salvation Army India Eastern Territory-in nikum Krismas dawna mi dangte tanpui nana Red Kettle Service a buatsaiha sum hmuhte chu Territorial Headquarters chuan a mamawhtute hnenah a sem chhuak ta.

Aizawl khawpui hual chhunga Red Kettle Service neih atanga sum hmuh chhuahte hi Branch hrang hrang YMA-ten an thlan chhuah mi harsa zawk  chhungkaw 25 hnenah leh tanpui ngai dang chhungkaw 2 hnenah Rs.5000.00 theuhva sem a ni a. Hospital hrang hrang – Civil Hospital Aizawl, Synod Hospital, Kulikawn Hospital, Mizoram State Cancer Institute, Aizawl Adventist Hospital, State Referral Hospital leh Christian Hospital Serkawn Poor fund-ah Rs.20000.00 theuh hlan a ni bawk.

Tanpuina sem chhuahna bul tanna inkhawm tawi chu Territorial Headquarters-ah neih a ni a. Commissioner Lalzamlova Territorial Commander kaihhruaiin THQ-a thawktute chu group hrang hranga inthenin tanpuina sem hna hi an thawk  nghal a ni.

Red Kettle Service (Ketli sen a mamawhtute tana pawisa thlakna)  hi IET hian kum tin a buatsaih thin a. Tun tuma mi hi December 8 khan Millennium Centre kawtah hawn a ni a. A hnuah hmun dangah hun hmang zuiin a duh apiangin mi dangte tanpuina tur sum hi an thlak a. Aizawl khawpui chhung bakah hian Division hrang hrangah an remchan dan angin neih a ni bawk.&&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?