Reduction Sale mipuiin hlut

Aizawl; Synod Bookroom chuan kar kalta chhung khan Mizoram puma Synod Bookroom Branch zawng zawng leh Churachanpura Synod Bookroom-ah te Reduction Sale an nei a, mipuiin an hlut hle.

Tun tum Reduction Sale-ah hian bookroom-a lehkhabu zawng zawng, Bible, Kristian Hlabu, Communion thil, Kohhran mamawh chi hrang hrang, Stationery Item zawng zawng leh School Naupang mamawhte 5% atanga 80%-a tlawma hralh a ni a.

Reduction Sale hi a rualin Mizoram pumah a rualin Thawhtanni zing dar 9 khan tan a ni a. Lawngtlaiah chuan Lawngtlai Bialtu Pastor leh Lawngtlai Bookroom Chairman, Rev. R.Lalfakawma’n Pathian hnena hlanin a hawng a. Lungleiah Lunglei Bookroom Vice Chairman Pastor C.Lalduhawma’n Pathian hnena hlanin a hawng a. Champhaiah chuan Champhai Bookroom Chairman Pastor Lalnunmawia Pachuau-in a hawng a. Serchhipah Rev. C.Lalrintluanga, Vice Chairman, Serchhip Bookroom Commtt leh Serchhip Vengchung Bialtuin tawngtainain a hawng a, Kolasibah Rev. R.Lalhmingsanga, Chairman, Kolasib Bookroom Commtt leh Diakkawn Bialtuin a hawng a, Churachanpur-ah chuan Rev. Jerry Zoliansanga, Secretary, Churachanpur Bookroom Commtt chuan tawngtainain a hawng bawk.

Reduction Sale hi mipuiin lehkhabu tha leina hun remchangah hmangin an hlut hle thin a. Sorkar pisa leh Kohhran leh mi mal library neite pawhin a hlawma lehkhabu leina hunah an lo hmang tawh thin a. Hetiang huna lehkhabu an hralh chhuah thin hi a buatsaihtu, Synod Bookroom lama hotute beisei leh rin ai pawhin a tam thin nia thu dawn a ni.

Nikum Reduction Sale-a kar khat chhungin Rs. 72,26,974/- man hralh hman a ni a. Kumin hian khum ngei an inbeisei thu Synod Bookroom hotute chuan an sawi. Tunah Synod Bookroom hian Branch 13 neiin Distribution Centre 32 a enkawl mek a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?