Reformation kum 500 tlin lawm

Aizawl; Zirtawpni zan atang khan Presbyterian Church of India buatsaihin Reformation kum 500 tlin lawmna chu Mawkhar Presbyterian Kohhran, KJP Synod Sepngi-ah neih mek a ni.

Zirtawpni zanah inlawmna inkhawm neih a ni a, Rev. Laldawngliana, PCI Moderator-in a kaihruai a, Rev. V.L. Luaia Hranleh, Senior Administrative Secretary, PCI leh Rev. D.C.Hai, CWM Moderator-ten thu an sawi bawk ang.

Nimin khan chawhmaah Rev. Dr. D.R. Sadananda paper buatsaih, ‘Re-discovering the salient features of the Reformation in Social, Economics and Spiritual Transformation’ chu zir ho a ni a, chawhnuah Rev. Dr. Christopher Ferguson paper buatsaih ‘Engaging the Congregation with the pressing issues of today’ zirho a ni bawk a, zanah Vantlang Pathian Biak Inkhawm neih a ni.

Tukin zing khan PCI Moderator-in Lalpa Zanriah Sakramen a theh a. Chawhma, chawhnu leh zanah vantlang Pathian Biak Inkhawm neih a ni ang. Reformation kum 500 tlin lawmnaah hian Synod hrang hrang atangin zaipawl leh palai an kal a, Mizoram Synod atangin mi 49 an kal a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?