Relief Sunday

Aizawl:  Vawiin hi Mizoram Baptist Kohhran Ni pawimawh, Relief Sunday a ni a, Baptist Kohhran Biak In tinah he ni pual hian Pathianni chawhma inkhawm hun hman a ni ang. Kumin Relief Sunday thupui hi “In rit phurhte chu inchhawk tawn rawh u” (Gal 6:2) tih a ni a. Headquarters atanga Relief Sunday thuchah buatsaih Kohhran Ni pawimawh Bua mi chu Kohhran tinah chhiarchhuah a ni ang.

Kum 1966-1968 lai vel khan Mizoramin hun khirh tak tak mai a tawk chho va, Mau tamin a nuai hnu lawkah Mizoram buaiin a nang leh a, tihluihnaa khaw sawikhawm a awm a, Mizo mipuite an mangang a. Heng harsatna laka a chhawmdawl turin India ram leh ram pawn thlengin Kohhran kaltlangin tanpuina (relief) a dawng thin a. Heng tanpuina dawnte hi mumal taka sem chhuah theihna tur leh Kohhran pawhin mipui mangangte tanpuina tur thawhlawm (Relief Fund) a bika siam tha a ti ta bawk a. He chhawmdawlna rawngbawlna hi Kohhrante thinlungah tuh thar zela uar deuh deuh a lo nih theih nan kum tin June thla Pathianni vawi thumna zel hi he mi pual hian Kohhranin hman ni se tih a lo ni a, hman zui zel a ni ta a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?