Ruihhlo kaihhnawihah mi 145 CYMA kum puan comtt. in man

Aizawl: Central YMA hnuaia kum puan Committee chuan December 19, 2017 atanga January 1, 2018 inkar chhung khan heroin hawng 9, Cane 195 leh chhinsen 12, Alprozolam strip 66, Ganja Pocket 13, khuh damdawi, ruih nana hman chi bur 370 leh halpuah tlep 34 an man a. Hemi kaihhnawihah hian mi 145 an man bawk.

YMA Kumpuan Committee hruaitute sawi danin, damdawi leh a kaihhnawih avanga an man zingah hian kum 20 a\anga 30 inkar an tam ber a, an man zinga naupang ber chu kum 16 mi a ni a, kum tling lo an mante chu an nu leh pate hriattir an nih hnuah an chhungte hnena hawtir leh nghal zel an nih thu an sawi. Zawhna chhangin Kumpuan Committee hruaitute chuan, tun hnaiah hian \halai zingah damdawi leh a kaihhnawih ti thar an pung chak hle niin an sawi a, hei hi a chhan ber chu rim a neih loh bakah ruih nuam an tih vang hrim hrim a ni tlangpui a, nikum October thla a\anga SRS a khaihlak a\ang khan damdawi man hi nasa takin a tlakhniam hman avangin a ti thar an tam phah nia an ngaih thu an sawi bawk.

Central YMA hnuaia ruihhlo dotu pawl, SRS term hi nikum October thlaa Champhai Zotlanga YMA General Conference-ah khan a tawp a, tunah hian SRS thar din leh tum mek a ni a, hemi hma hian kumpuan Committee-in a lo keng rih dawn a ni.

 

 

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?