Ruihhlo nuai 164 hu halral

Aizawl: Nimin tlai dar 3 khan Central YMA office kawtah SRS 5th Batch-te ruihhlo man Rs.16,451,110 hu chu Central YMA President Lalbiakzuala’n a halral.

Ruihhlo halraltu Lalbiakzuala chuan hetiang zat ruihhlo halral tur a awm chu pawi a tih thu sawiin hengte hi man ni ta lo se chuan thalai engzatin nge thihpui ang tih ngaihtuah tham a ni a; chuvangin, ruihhlo do chu tha thlah lova chhunzawm zel a tul a ni, a ti.

Nimina halral tak ruihhlote hi March 29, 2017 atanga October 14, 2017 chhunga mante an ni a. Ruihhlo man kaihhnawihah hian mihring 590 manin Home/Centre-ah mi 19 an dah a, Excise-ah mi 8 leh Police kutah 2 an hlan bawk.

Ruihhlo halral zawh hian YMA CEC an thukhawm nghal a, October 17-19, 2017 chhunga YMA General Conference, Champhai Zotlanga neih tur leh pawimawh dangte thlirhovin zanriah an kilho nghal a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?