SA IET-in centenary lawm mek

Aizawl; Chhandamna Sipai Pawl, Salvation Army India Eastern Territory (IET) kum 100 tlin, Centenary lawmna chu Thawhlehni zan a\ang khan Mualpui Venga R.Dengthuama Indoor Stadium-ah hman mek a ni a, khawvel puma an hotu luber, General Andre Cox leh a nupui, Commissioner Silvia Cox ten International Headquarters, London a\angin an rawn hmanpui a, zanin hian lawmna hun hi a tiak ang.

A lawmna tan zan hian Indoor Stadium kawta Centenary puala buatsaih, Centenary Mei chu IET Territorial Commander Commissioner Lalngaihawmi’n dêtin a lawmna hun chu Pathian hnenah a hlan a, inkhawm zui nghal a ni.

Nilaini inkhawmah khan Governor, Lt. Gen. Nirbhai Sharma leh a nupuiin an hmanpui a. Governor chuan Salvation Army India Eastern Territory-in kum 100 an tlin lawmnaa an tel thei chu lawmawm a tih thu a sawi a. Pathianin Salvation Army chu malsawm zel se a duh thu leh anni pawh malsawmna ni zel tura a duhsak thu a sawi a. General Cox chuan Pathian thuchah a sawi a, mi mal item bakah a huhova band rualin rimawi an tumte, a huhova zaipawlin hla an remte ngaihthlak a ni.

Chawhnuah General hian Salvation Army Officer Training College-ah Lt. Col. Kawlkhuma lim a hawng a. Zan lamah Commissionar Lalzamlova, International Secretary, South Asia Zone chuan thuchah a sawi bawk.

Ningani chawhma atangin inkhawm a awm leh a, chawhnu lam chu thalaite puala hun hman a ni a. Capt. T.Zothanmawia, Divisional Youth Secretary, Western Division chuan thuchah a sawi a. Hemi ni hian General Cox chuan Chanmari West Corps Biak In thar a hawng bawk.

Ningani zan hian hmeichhiate puala hun hman a ni a, Commissionar Silvia Cox, Women’s Ministries-a World President chuan thuchah a sawi.

April 26 hi Mizorama Chhandamna Sipai Pawl dintu, Lt. Colonel Kawlkhuma’n Shimla-a Salvation Army Officer-a zir zawh hnua Aizawl a lo luh ni a ni a. Hemi ni hi India Eastern Territory chuan he Territory-a Chhandamna Sipai Pawl lo luh tan niah pawmin kumtin he ni hi Ni Pawimawh-ah a dah thin a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?