Sakhua (Feb. 15, 2015)

Finance Committee thu
Aizawl; Feb. ni 12, 2015 khan Synod Office-a JM Lloyd Hall-ah Synod Finance Committee vawi 112-na a thu a, member 41 an kal. Committee hi Rev. Lalrinmawia, Synod Moderator-in a kaihruai.
SFC meeting-ah hian thu ngaihtuah zingah hian Synod Reserve Fund leh Ramthar Reserve Fund-a sum dah chungchang leh Synod
Grant dilna te chu a langsar zual an ni a. Chartered Accountant chungchang sawi hovin Finance Officer’s Reports thlir ho a ni bawk.
Finance Secretary Reports-in a tarlan danin kum 2014-15 atana Additional Budget dilnate SEC-in a pawm a, kum 2015-16 Synod Budget ruahman chu Synod-in a pawm fel bawk a, Synod Inkhawmpuiin Auditor atana a ruatte inhmuhkhawm ni atan March ni 13, 2015 chawhnu dar 1 ruat a nih bakah, Aizawl khawpui bak khawpui dang lian deuh deuh 15 thlan chhuahah Finance Campaign neih tum a ni bawk.
April 2014 atanga January 2015 thla tawp thlengin Pastoral Budget hmuh tawh chu za zela 74.77 a ni a, Mission Budget hmuh tawh chu za zela 76.78 niin za zela chhutin a vaia hmuh tawh chu 75.63 a ni.
%%%%%%%%%%%

Hospital Ni
Aizawl; Feb. 15, 2015 hi Mizoram Baptist Kohhran ni pawimawh, Kristian Hospital Ni a ni a, BCM Biak In tinah he Ni pual hian hun hman a ni ang. Christian Hospital Serkawn hi February 10, 1923-ah din a ni a, kum tinin a din tan ni emaw, Pathianni a nih loh chuan a hnaih ber Pathianni hi Kristian Hospital Sunday atan dah thin a ni. Kumin Kristian Hospital Ni thupui atan “Rawngbawlsaka awm tur ni lovin, rawngbawl turin”(Marka 10:45) tih hman a ni ang.
%%%%%%%%%%%%

Pastor Bial Conference
Aizawl: Lunglei District PYD Conference vawi-47 na chu March 26-29, 2015 hmangin Haulawngah neih a ni dawn a. Inbuatsaihna kalpui mek niin Feb. 3 khan Pandal sak hnatlang thawh tan a ni, a dung Feet 110 a vang Feet 90 a sak tura ruahman a ni. Hnatlang hi khawtlang huapa neih a ni a, a tan ni hian mi 300 chuang an hnatlang a. Khaw thenawm atang pawhin an thawkchhuak bawk. A chung zar zo tawhin a bang pin mek a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?