Salvation Army hotu thar Commissioner Peddle

Aizawl; Commissioner Brian Peddle, International Headquarters-a Chief of the Staff ni lai chu khawvel ram 129-a Chhandamna Sipai Pawl hruaitu lu ber, General 21-na atan Hotel London-a High Council 2018 Renaissance neih chuan a thlang chhuak ta a. August 3, 2018 atang a nihna thar hi a chelh ang.

High Council 2018 Renaissance hi kar kal ta Ningani atang khan an thukhawm a, nimin khan General thar hi an thlang chhuak ta a. Thlan a nih hnu hi High Council President Commissioner Birgitte Brekke-Clifton chuan a puang a, General thar puanna hi ram hrang hrang atanga live-a tihchhuah a ni nghe nghe.

General thar hian General tang lai, General Andre Cox hnen atangin August 3, 2018 zanlai dar 12 atangin a chanvo thar hi a la dawn a. Tun hmain Salvation Army hmun pawimawh tak takah dinhmun pawimawh tak tak a lo chelh tawh thin a ni.

General ni tur hian khawvel ram 128-a Salvation Army Officer tawh phawt chu nominate-a thlan theih vek an ni a. General thlang tur hian India Eastern Territory atangin Territorial Commander Commissioner Lalzamlova leh a nupui, Commissioner Nu-i, Territorial President of Womens’ Ministry te pawh an kal a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?