Sawhkhawk (April 2, 2017)

Sawhkhawk of the day
Mizo hi kan tam lo kan ti thin a, a dik khawp mai, vai khawpui kawtthlera kut dawh zat pawh kan zat lo mahna! Chutih rual chuan kan changkang a, mi rethei pawh kan tam ve tho bawk. Tuna Vishal lo lut tur hi kan changkannain a ken luh pakhatah ka ngai mai a, kei chuan ka lo pawm hmiah mai. Chutih rual chuan dik lo taka an lo lut a nih chuan a tha chu ka ti lo, dik lo tak bawkin a dang pawh an lo lut zel ang tih ka hlau. Mizote hi rinawm ila, kan thawhpui tur vai pawh sum um mai lovin, dik taka an rawn luh theihna tur lo dappui ila, kan him ang a, mi tam takte hlauh inchimral pawh hi a thleng lo mai ang. – Svala

Kar Hmasaa Aizawl-Lunglei kawngpui, Tuirial thlen hmaa chhia rawn sawi kha ka thlawp e. He kawngpui hi khawchhak tlangdungin kan zawh ber a ni si a, a tih dan hi awm se ka va ti em! – Mapuii

chanchinbuah chhiar a manhla thin khawp mai. Mihring hian fimkhur sen loh hi neih a awl khawp mai, tihsual langsar lutuk lem lo, a thu leh tum bo lem lo a awm zauh zauh a nih pawhin kei chuan ka ngaithiam thin khawp mai che u. Zalen hi kei chuan chhiar nuam ka ti deuh ber mai. – Muanpuia nu

Hindi Teacher nuar thawm leh an chet vel dan chuan thawm a nei na hle mai. Ni e, a kaikuang hi chu sorkar bawk hi niin kei chu ka hre leh thin. An chet dan a mawi lo a ni thei a, an thilphut pawh  a lo sang lutuk pawh a ni thei; mahse, han chhui han chhui hian sang tak phut ngam tur hian kan sorkar hian eng emaw hi chu a lo zawrh a ni lek lo maw ka ti a ni. – MkSiama

Hindi zirtirtu nuar hi eng emaw zawng tak chuan an ti awm lo hi ka lo ti ve a. An phut hi a sang ve deuh lo maw ka ti a ni. An hlawh lak theih loh lak phuta an nawr hi chu a awm khawp mai a, a ruaitute pawhin an thawh hlawh chu an pe turah ka ngai a; mahse, dah nghet (regularise) tur ang deuhvin an nawr tih thawm awm hi chu sorkar tan pawh tih a harsa ve viauin ka ring. Tun ang laia sorkar hna hi recruit pangngai lo chuan a ngheta luh ngaihna a awm tawh lo ang vel a nia, chutih laia a nghet lo nawr chu an ti mah mah ve deuh ka ti. – Mamawitea

Kan rama Pawl thenkhat hi chuan an tih tur awm tak an ti lo va, an tih loh tur awm tak an ti nia hriatna ka lo nei ve leh ngaw thin. Ka khawthlir a thui tawk lo vang pawh a ni mahna! – 9436360899

Pawl thenkhat hian, an ngaihven tur leh ngaihsak tur awm tak an ngaihsak lo va, chutih laiin mi dang a titu tur awmna lamah hian an va inrawlh daih zel thin niin ka hria. Mahni kuang lo nawr pawl hi chu kan ramah hian an awm maw le! – 8794107594

Zirna hi a pawimawh tehreng nen hian, kan ramah hian zirna avanga ram pum huapa buaina hi a va chhuak zing tak em, keini ang hi mi ramah hian an awm ve ang em le? Thiamna petu zirtirtute hi kan sorkar hrawn tawh hrang hrangte hian an ngaihthah deuh thin em ni ang le, eng pawh sorkar se zirna kaihhnawiha lungawi lohna hi a awm deuh ziah mai ni hian ka hria. – Hruaitea

Vishal hi kei rawn lut se ka ti khawp mai, a dotu, a bikin sumdawngten an do pawh hi a awm ka ti khawp mai bawk. Anni aia thil chhiar tlawm thei zawk fe chu engvangin nge an lo do loh vang? Online-a thil kan chah ringawt pawh an duh lo kha a nia, an tih tur ve reng an tiah ka ngai hmiah. Lo do sela, vai sumdawng chu dan ang a nih phawt chuan lo lut zel rawh se tih hi ka ngaihdan a ni. – Feli

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?