Sawhkhawk (April 30, 2017)

SAWHKHAWK of the day
Champhai paho chet dan chu a pa ve aw…!! An duh an nawr hlawhtlin theih nan chuan khatianga an chet deuh kha a ngai a niah ka lo ngaihsak ve hmiah mai. Chutih rualin Kristian ramah hi chuan lirthei hal, sorkar thil tihchhiat ang hi chu thleng fo tawh lo se ka ti ngawt mai. Thil hi han chui han chhui ila, a mawhphurtu ber leh a bul ber chu sorkar bawk hi a ni zel hian kei chu ka hre mai. Champhaiah hian doctor an dah lo a ni lo vang, an dahte an awm duh lo a nih ka lo ring a. Ngati nge sorkar hnathawk ni si, a chhawrtu thu awih lo chu hum reng an nih? Na zawkin an chungah hremna lek ni sela thu an awih maiin ka ring. Kan sorkar hian a tih tur hi a ti tawk lo thin em ni ang? – 8794686442

Kar hmasaa in article chhuah chuan beng a tivar khawp mai. Thlirna khat chauh atanga thlir chuan mi rethei zawkte tan chuan vai sumdawng lian lo lut hi a tha khawp mai a; mahse, ngun zawka kan han thlir hi chuan kan sawi fo, hmarchhak state-a hnam eng emaw zatten an ramah ngei pawh hmun an chan tawh loh ang hi kan ni chho ve mai ang tih a hlauhawm ve reng a ni. Chutih rual chuan kan hriat fo, kan sumdawngte hian hnam dang sumdawngte ang bawka thil tihtlawm deuh (hlep nei tho siin) an zir chu a ngai hmasain ka hria a ni. – Thangtea

Pu Lalthlamuana Ralte khan a rawn ziak tha hle mai. Kan ram hi Hindu ram a ni a, a tam zawk hi Hindu an ni a, miin an sawi fo angin Mizo Kristiante hi chuan vai ram kawtthler pakhata cheng pawh hi kan zat lo. Tunah Hindu-ho party kan hrawn mek a, nasa vak lo hian a tahtawlin min nek hret hret zel dawn ni hi chuan a lang a, Mizo Kristiante hi fing taka kan men hi a hun hlein ka hria a ni. – Rsa

Tunlai hian MSL an khel mek a, a hmuhnawm thin hle mai. Mizote hi kan fingin awm dan phung hi kan hre ta hlein ka hria. Veng leh vengin kan inel a, hman ang kha chu ni se buaina hi a chhuah fo ka ring thin. Tunah erawh chutiang thawm engmah a awm ta lo, thalaite tan intihhlimna hun tha tak kan siamsak ni maiin ka hria, a lawmawm ka ti hle a ni. – MkSiama

Champhaiho chu an va che pa rep rep ve aw…. Mizo chauh hi kan ni lo, inhawrkhawm hi chuan eng hnam pawh hi kan huai thin khawp a nia… Chutih rual chuan sorkar thil tichhetute khan anmahni bungrua an tichhia a ni tih an inhria ang em? Sorkar hi mipui ta a ni a, an ta an tichhia a ni. – Malbawihi

Doctor duh vanga Champhai chet dan chu a na rem rem hle mai, khawtlang mipui thin a thawk a ni ang e! An buai dan leh an lo nghah rei tawh dan kan hre lo va, huai taka sawi a harsa; mahse, kan ramah hian khatianga lirthei hal, sorkar thil khawih tih ang reng kha a thlen ka lo ring ngai lo a nia; mahse, a thleng ve ta tlat. A thleng fo tawh dawnin ka lo hria, a pawi ka ti a, Kristianna nen pawh a inhmeh lo ka lo ti ve khawp mai. Champhai thinrimna erawh ka hriatthiampui ve em em thung tho a nia. – 8974232935

Mipui pungkhawm hi chuan tharum hi nei viau mah ila, thluak hi kan lo neih meuh lo chu a ni. Champhai chet dan chu a rawng khawpin ka hria a, ka dem angreng. Chutih rual chuan Kristian ram ni sia zu zawrhna rama thleng awm tak a nihna chen pawh a awmin ka hre tho bawk. – 9436360899

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?