Sawhkhawk (August 13, 2017)

Sawhkhawk of the Day
Chakmaho hi engtin emaw tih dan ngaihtuah ang u. Mi hi an ngam tual tual mai. Chutih rual chuan thiamna lamah hian kan phak lo tual tual mai em maw ni a tih theih a, kan ram chhungah chuan engtin tin emaw hna sang an thawk tur leh an zir tur hi kan dang thei mai thei a; mahse, UPSC tih ang duang velah hian kan tluk lo ta fo mai a, Mizo thalaite hi tharuma nawr a tul huna nawr thei tura kan tanrual leh intihchak a tul rualin thiamna lamah pawh hian anni tluk leh el tura kan tan chu a ngai hle a ni. Thiamna hi a pawimawh si a, tharum aiin kawng tam takah chuan thil a ti thei zawk tlat bawk si. – Ama

Kar hmasaa Pu Lalthlamuana thu ziah chu a tha hle mai. Chakmate hi chiang zawkin mipui nawlpui hian an chanchin leh kan ram an luah dan hi kan hriat chuan an lakah pawh kan tanrual thiam phah ngeiin ka ring. – Asiama

TBCC chu an che na bawk a, dem awm pawh an ni. A chhuak tawhte reng reng hian tumah fak zui ka hre lo. Kan thenawma mi, patling takzet tawh pawh hi zu avangin a lut a, a rawn chhuak chu an enkawl dan hrehawm a ti lutuk a, sawi pawh a sawi peih lo zawk. Mihring theuh theuh, an sual emaw pawh ni sela, heti taka inenkawl loh tur hi a ni asin mawle! Pathian hming lam chung phei hi chuan fimkhur a tha khawp mai. – MkSiama

Tawngtai Bethel Camping Centre a lar hle mai a, a enkawltute pawh dem rawn an hlawh a. Chutih rual chuan khuti taka tam, mi pangngai pawh ni lo lehnghal enkawl khu chu hetia ngaihtuah mai ai hian a hautak ang tih hriat tel a tha khawp mai. An enkawl dik vek lo vang a, miin an puhna pawh hi a dikna chen tam tak a awm ang; mahse, hrechiang mang lova tawngpawng dem leh deu vak hi chu a fuh vek bik lo mai thei ve bawk. – @

Chawnpuia centre an han ching chhuak ta chu a lawmawm hi ka lo ti ve khawp mai a. Ka fate hi eng ang pawhin sual sela, miin an chanchin an sawi atang ringawt pawh hian ka dah duh loh tawpna tur a ni. An sawi ang zawng zawng hi a dik vek lo pawh a ni thei a; mahse, keimah pawh hian an inenkawl dan chu ka hre nual mai a, tuna an chhiat tawh (?) hi insiam that phah nan hmang hlauh teh se. An kal dan khu a dik lo em mai! – Papuii

Zekhel intiho kha ngati nge Zoram sualna an khelh zingah ei ruk te an khelh ve loh aw… kan ram chhiatna ber, kan nih tur ang kan nih phak lohna ber ni zawkin kei chuan ka lo hria asin maw le! – Muana

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?