Sawhkhawk (August 19, 2018)

Sawhkhawk of the day
Inthlan boruak a inmung a, sorkar lai MLA-te pawhin an bial an tlawh taima tlauh tlauhvin chanchintharah an lang deuh reng hlawm a, a hawn theih theih an hawng hlawm bawk niin a lang a. Eptu lam lahin khawi khawiah emaw thil tihpui, vantlang inkhawm leh thil dang dang an nei leh ta sek mai, a ngaihnawm tan zel e. Chutih mek laiin pawl hrang hrangte pawhin sorkar nawr hun lai a ni tih hriain a theihna zawn zawnah an nawr ve mek zel bawk a, chanchin tharah pawh pawl hrang hrang lungawi lo hriat tur a tam hle mai a. Tun ang reng hian sorkar apiang mai hian ram hi hmangaih sela, eptute pawhin tun ang reng hian sorkar tih dik tawk loh hai chhuaka siam that tumin tan la thei reng sela chuan kan ram hi nuamin ka ring thin. – Ama

Tun tum issue chu Lalthlamuana Ralte thu ziah a lo chuang leh ta a, a lawmawm hle mai. Mi thiamte thu ziak hi chu mi a tibengvar a, keini ang mi mawl tan hian thil hi kan lo hriat zau ve phah a, saptawnga inziak chhiar thiam ve lem lo tan phei hi chuan thil hi duh ang tawkin kan lo hre thin lo va, a lawmawm ka ti hle a ni. – Muana

ZPM hi eng an nih ka ring lo han ti tawng teh ang. Mi hian khawi khawiah emaw hi chuan lian ve deuh, a bikin khawpuiah phei chuan Kohhran mite leh nuetral thlawpna nena bial eng emaw ber hi la ve mai tur anga sawina hi a awm thin a; mahse, an bial lak tur awm ang, an that deuhna lai tur hi han sawi dawn sela, an hre mang lo. A sawi thei deuh pawhin an elpui tur an en hi chuan an huphurhpui deuh zel niin ka hria. Chu chu ka hmuh dan, an lo tling teuh thei tho bawk, rinthu sawi hun lai a ni e. – Puia

Bru-ho lo kir tur thawm hi a va tam tak em! Min va han tibuai rei tawh tak. Tun tum chu tha tete-in lo kir ve thei tawh miah teh se. Chutih laiin anmahni hi an buaithlak, min ngam lutuk zawk em maw ni, an duh duh hi an ranw phut ni mai hian ka ngai a. Thenkhat leh hian politics lama hamthatna hmuh nan hman an lo tum ve phet emaw a ni lehzel a, kan rilru, duham reng renga pu kan nihna hi min hre chiang viau ni maiah kei chuan ka ngai a ni. – Papuii

August thla hi Thitin thla anga ngaih, Thlazing a ni ta hi ka la pawm lo tluang zel tih ka lo sawi ve hrim hrim. Naupan laia kan zir dan kha a nia, rilruah hian a bet nghet tlat, a dikna leh dik lohna pawh ka hre ve chiah chuang lo, hming thlak a tul kherna pawh ka hre chuang lo bawk. – @

Pu Hawla chu NLUP ber an stay ta sia, a buai ang em? A insawi danah chuan NLUP hi hneh mai mai mi a nih loh thu a sawi a, a dik mai thei. A enga pawh chu lo ni ta tehreng se, NLUP avanga ding chhuak ta hluai erawh han kawh fak tur ka la hmu ve lo, an awm lo erawh ka ti lo. A hrim hrimin a thlawna sem policy hi kan hnam, hnam rinawm lo tak ni chho mek tawh hian kan zo lo a ni. Kan rinawm lohna a belhchhah a, meng leh meng kan inbum mawlh mawlh ta mai a nih hi. – MkSiama

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?