Sawhkhawk (Feb. 5, 2017)

SAWHKHAWK of the day
Kei chu ram hruaitu hi ka ni peih miah lo vang. Ka ngaihtuah hian pawl an tam si, duh an ngah si, an pawl intunnunna tur sum thawk chhuak tak tak bawk si lo, sorkar nghenchhana huai tak leh thui tak thlen tum tlat bawk si an ni hlawm hian ka hmu a. Sorkar an bel a, sorkarin ngaihsak lova an hriat lahin an au bengchheng thei bawk si, enkawl kan hahthlak hian ka ring takzet a ni. Sorkar tan pawh hian tu ber hi nge ka tih hmasak ang tih pawh hi hriat a har ngawtin ka ring thin. – Mapuia

Pu Muantea te, Ka Huang, Doctor Zawhna leh Pu Hrekima thu leh hla a ngaihnawm thinin min tibengvar thin hle mai. In chanchinbua chhut sual tam an sawisel thin cheu pawh a ziaawm takzet tain ka hria, tan han la zel teh u. – Fakpuia

In chanchinbua thu in chhuahah hian tihnawn zauh zauh hi a awm thin em? Lo en ngun ve chhin teh u. A bikin Thukhawchang, Doctor zawhna tih velah hian. A palh liau liau chu a nih ka ring a; mahse, chhiar tawh hnu chhiar hi chu a hlut dan a nep thei viau mai. – Sawmpuii 8794686442

In chanchinbuah pawh in chhuah fo angin US chuan pa rorum tak mai President a nei thar ta a, a duh rum khawp mai a, engmah sawi lovin Muslim rama mite chu an ram zin a khap nghal hmiah mai a, raltlan luh theih dan pawh a khap hnai mek bawk a Heti hi an ramah ngei pawh duh lotu an tamzia chu kan hre vek a; mahse, ani chu a campaign laia a au hla kha a ni a, miin sawisel eng ang mah se a tlin chhan a nih miau avangin a ti hmiah mai. A thiltih zawng zawng hi a tha vek chu ka ti bik lo; mahse, a campaign laia a au hla ang ngeia a tlin ruala a che chhuak nghal ngam hi a va fakawm em ve aw!! – Sylvia

Kan veng hi Aizawl lun lai ve deuh tak a ni a, ngati nge maw ni Inrinni apiang deuhthaw hian current hi a siam avanga kan neih theih loh reng mai ni ang aw…? Veng dang pawh an ni ve tho mai thei a, ka sawi duh tak zawk chu ngati nge thal lai pawh hian current chhia tih hi a nih reng mai ni. Fur laiin ruah sur leh tek avangin kan nei lo sek thin bawk si. Kan current enkawltute hian an enkawl thiam lo nge maw ni dawn ni?! – Veng luna cheng tlangval

Tun hnaiah SSA-a thawkten hlawh an lak theih loh a lar khawp mai a, chanchinbu leh chanchin thar lama kan lo hmuh angin an la thei dawn ni awm tak a ni a, a lawmawm hle mai. Sorkar hian a duh hi chu a tithei a, a duh loh chuan a tithei lo tlat thei bawk a. A tha zawnga mipuite tilungawi thei sorkar, sum hman lama pawh thiam leh sum enkawl thiam hi kan ram hian a mamawh hmasak ber pawk niin kei chuan ka ngai a ni. – 8974232935

Hman deuh khan he hmunah pawh hian tute emaw khan an lo sawi tawhin ka hria a, kan thalaiten politics khelh an tum lo chungchang vel kha. Kei pawhin ngaihdan ka lo nei ve a, chutah chuan kan politician hrawn mekte hi an entawntlak loh em mai a, kan nuih deuh tlat mai a. Hei hi entawn tur zawng reng renga hmanhlel thalaite hi chuan an kawng kan zawh duh loh phah a ni. Kan entawn tur berte kan nuihzat miau chuan an hnung zui chu har tak a ni. Ngaihsanawm, thawkrim, ram tana thiltha ti thin, huaisen leh dikna ngaina ni hlawm sela chuan anmahni ang hi nih ve kan châk furin kei chuan ka ring a ni. – 9436360899

State pawna kan thalai zir turte chu sorkarin zirna in mumal lo tak, a lema an thawn tih han hriat hi a lawmawm lem loh hle mai. Party hrang hrang lahin inchirhtheh nan tak an lo hmang zui bawk nen, a hahthlak hle a ni. A tuartute ka khawngaih a, chutih rualin zir chiang lo leh thil hre chiang lova thawn chhuaktute an demawm tak zetin ka hria. Sorkar pawhin a mawhphurtu chu a na thei ang berin hremna pe se ka duh hle a ni. – Aijaxs

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?