Sawhkhawk (July 1, 2018)

Sawhkhawk of the Day
Tunlai thangtharte hian remna hlutzia pawh hi kan pawh phak ta lo va, kan nu leh pa leh kan pi leh puten remna awm hmaa an hun hman dan hrehawm turzia kha kan mitthla thiam hauh lo. Mahse, Zikpuii pa ni tain ka hria, “Sipaite hi ram ralmuang apiangah an ngaisang lo,” tih lam hawia ziak kha. A dik a ni, tunah sipai hi Mizote hian kan ngaisang lo tlangpui a, fiamthu kan thawhnaah pawh kan hmang zing. Hei hi kan hnam a ralmuan em vang a ni a, ram raltiah chuan an kianga awm kan thlahlelin an venhimna kan mamawh hle ang. Chuvangin, hetia mawl taka ka han ngaihtuah hian, buai lai hre pha lo mah ila, ram ralmuang hi a hlu a. Remna kan neih theih nana thawktu zawng zawngte zahna chibai ka rwn buk nawn leh a ni. – 8974232935

Mizoramin remna kan neih champha kum 21-na chu kan hmang lo leh ta a. Remna kan neih hi i hkut ang u. – 8729805358

Pathian hnen lam hi tang ila, ani pawh hi kan lamah a tang thuai mai a ni. Pathian hnaih takin hun i hmang zel ang u. – Azuali

 

Kar hmasaa hnam dangte zinga rawngbawlna kha ka thlawp zawng tak a ni. Ni e, an hnam ze mil hian an hnenah hian rawng bawl ila, khuang hnih chumchilhpui hi tum kher lo ila, chu chuan nasa takin kan rawngbawlna hi a tisawt ngeiin ka ring a ni. – Puitei

Lirthei ke hnih nei chi taxi anga hman tumna a awm hi eng emaw kawng zawng tak chuan a that phian a rinwm a; mahse, kan kawngpui indaih loh sa hi kan indaih loh phah lehzual ang tih ka lo hlau ve khawp mai. Thuneitu lam hian permit kha an pe chhuak leh teuh emaw kha a ni ang a, tuna mi mal ta pawhin kawng a tihchep tawh naka lai hian, a pun phah thur thur hian ka lo ring ve ringawt mai. Eng tak thleng ang maw? – 8794686442

In chanchinbua dan leh hrai lam in rawn ti tel hi a lawmawm hle mai. A ziaktuin a rawn ziah ang deuh khan, Mizote hi hetiang lamah hian kan chhah hlawm khawp mai a, kan hriat loh zingah pawh kan hriat loh lam tak hi a nih a rinawm. Hetianga keini mi mawl ber pawhin awlsam taka kan hriat theih tura in chhawp chhuak hi a lawmawm ka ti a, kei ang bawkin mi dang pawhin an hlawkpui ve ngei ka ring tlat a ni. – Mapuia pu

A dik chiah mai, tawngpawng BJP hlauh ringawt hi a ni ber lo va, hlauh loh em em ringawt pawh a ni chuang hek lo. Keiniin kan lo rin anga langsar taka min beih hi chu a rinawm loh, an fing em mai, chu ai chuan zawi zawia kan rilru an hneh dan tur hi an ngaihtuah reng dawn, chumi chu uluk taka thlirin fing taka kan hlauh zawk hi a ngai a ni. Tuna kan hlauh ang em em hi chuan an che pup pup lo vang. – Sangpuii

Remna ni kan hmang zo ta a, mipui pawhin kan hlut zel niin ka hria. Kan hnam tana ni ropui ber pakhat pui tak zelin hmang ila tha tur a ni a. Central YMA-in ruahmanna siama nikum anga kan hman ang chi kha awm leh thei sela chu ka ti ngawt mai. – MaZuala

Pi B.Sairengi tu leh fate tawrhna hi a rapthlak a, an thenawm khawvengte tawrhna pawh a rapthlak zual. Chutih rual chuan a hma daih atang tawhin he in hi thiata tun ang rup rupa chet ngai lo tur hian a awm theihin ka hria a, sorkar hmalakna a chak lo niin ka hria. A neitute tan chuan thiah ngawt chu a uiawm ngei ang; mahse, vantlang tana him lo a nih miau avangin khawng takin a kal ve ngam tur niin kei chuan ka ngai a ni. Thiat thuai sela, a bul hnai a khawih chhe lutuk tur pawh a veng deuh thei ngeiin ka ring, che thuai teh se, a hlauhawm em mai. – Mamuana

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?