Sawhkhawk (July 15, 2018)

Sawhkhawk of the Day
MNF-in lottery chungchang an tlangaupui chiam hi a dikna chen a awmin ka hria. A sum leh pai lam kha chu Congress in sawi thiamna pawh kha a dik mai thei a; mahse, tender an koh dan vel kha chu fel tawk lo deuh hi chu a awm chiang ang tih ngaihdan nghet tak ka nei ve tlat. Hun tawp tawh hnua an kaltir tlat mai pawh kha a dik lo, khatiang tur kha a ni lo va, tender pawh an ko tlai lutuk niin ka hre ve a. Dik tak hian sorkar hian ti mai teh se. – Am-i

Zalen a ngaihnawm thin e. Chhut sual pawh a tlem ta hle mai, a awm mang tawh loh tih theih a ni tain ka hria. Tihsual zeuh hi chu a awm lo thei lo va. Tang zel teh u. – 8794686442

Zu thlah zalenna chungchang zirchianna ka lo chhiar a, kan ram chuan a chhiatpui ni chuan ka hria. Hlep hmuh cheng khat zelah a let aia tam kan insen chuan kan hloh nasa hle tihna ang a ni a, mi mawl ber tan pawh tun thleng hi chuan an hlawkpui lem lo tih a langin ka hria. – Puitei

Tunlai hian khawlaiah addict an va han tam em em ve maw le! SRS kha din a ni leh tawh tih ka lo hria a, han che leh vat vat teh se, zanah phei chuan kawngpui lun deuh laiah hmeichhe tan phei chuan kea kal a ngamawm loh lek lek mai. Min tibuai miah lo mah se an zi luai luai a, ngaih a ngam thei lo tlat. – Azuali

Loterry chungchang hi eng nge maw ni chiah le aw? Kan sorkar lam lah chuan engmah tihsual nei lo ang chuan an insawi ve tlat bawk sia, pakhat lah chuan na em ema nawrin an tlangaupui reng ve tho bawk si a; keini mi mawl tan hi chuan a luhaithlak hrim hrim mai! Enga pawh chu lo ni ta se, Congress hian sum leh pai enkawl hi chu an hlawhchham deuh em maw ni chu a tihtheihin ka hria, hmanah lak khan sum kha an ti-lapse tawh bawk a, buaithlak ve tak chu a ni. – Mapuia pu

A dik chiah mai, tawngpawng BJP hlauh ringawt hi a ni ber lo va, hlauh loh em em ringawt pawh a ni chuang hek lo. Keiniin kan lo rin anga langsar taka min beih hi chu a rinawm loh, an fing em mai, chu ai chuan zawi zawia kan rilru an hneh dan tur hi an ngaihtuah reng dawn, chumi chu uluk taka thlirin fing taka kan hlauh zawk hi a ngai a ni. Tuna kan hlauh ang em em hi chuan an che pup pup lo vang. – Sangpuii

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?