Sawhkhawk (July 22, 2018)

Sawhkhawk of th day
Loterry chungchang hi eng nge maw ni chiah le aw? Kan sorkar lam lah chuan engmah tihsual nei lo ang chuan an insawi ve tlat bawk sia, pakhat lah chuan na em ema nawrin an tlangaupui reng ve tho bawk si a; keini mi mawl tan hi chuan a luhaithlak hrim hrim mai! Enga pawh chu lo ni ta se, Congress hian sum leh pai enkawl hi chu an hlawhchham deuh em maw ni chu a tihtheihin ka hria, hmanah lak khan sum kha an ti-lapse tawh bawk a, buaithlak ve tak chu a ni. – Mapuia pu

Zalen a ngaihnawm thin e. Chhut sual pawh a tlem ta hle mai, a awm mang tawh loh tih theih a ni tain ka hria. Tihsual zeuh hi chu a awm lo thei lo va. Tang zel teh u. – 8794686442

Zu thlah zalenna chungchang zirchianna ka lo chhiar a, kan ram chuan a chhiatpui ni chuan ka hria. Hlep hmuh cheng khat zelah a let aia tam kan insen chuan kan hloh nasa hle tihna ang a ni a, mi mawl ber tan pawh tun thleng hi chuan an hlawkpui lem lo tih a langin ka hria. – Puitei

Ka ngaihtuah ka ngaihtuah takah hian Mizoram mipui tam takin kan lawm, football leh basketball ang chia inelna sang tak kan siam hi miin fiamthua ‘Icon/Idol chu mi anglo siamna mai mai,’ an tih ang deuh hi ni deuh tlata hriatna ka nei a. Heti hian infiamna huang hi kan han ti vak a, han tih vak na na na chuan hlawhtling tawk pahnih khat, hlawh sang zawk nei thei tura tirh chhuah theih hi chu kan nei ngei mai a; chutih rual chuan chhungte tihektu mai, inkhelh uar si, an thawmhnaw pawh hlawhchhuak zo lo, an zirna leh hna tibuai bawk si, mi hriat hlawh ve ang chi ni lawi si hi kan chher chhuak hnem mai mai lo maw ka ti ve mai mai thin. Kan ram tan hi chuan lehkha zira hnathawh hi a la tha ber zel niin ka hmu a ni. Ka hmuh dan a dik lo deuh pawh a ni mai thei e, min hre thiam teh u. – Samu-a

A dik chiah mai, tawngpawng BJP hlauh ringawt hi a ni ber lo va, hlauh loh em em ringawt pawh a ni chuang hek lo. Keiniin kan lo rin anga langsar taka min beih hi chu a rinawm loh, an fing em mai, chu ai chuan zawi zawia kan rilru an hneh dan tur hi an ngaihtuah reng dawn, chumi chu uluk taka thlirin fing taka kan hlauh zawk hi a ngai a ni. Tuna kan hlauh ang em em hi chuan an che pup pup lo vang. – Sangpuii

Tunlai hian khawlaiah addict an va han tam em em ve maw le! Pathianni hmasaa Zu chungchang in rawn ziah atang khan zu mana Mizo kan insen nasatzia a lang chiang hle mai. Phalna nei zu zawrh hi a that leh that loh chu ka sawi thiam ve chiah lo va; mahse, kan pawisa hi chu a lo la hek nasa hle a ni tih chu a chiang hle mai. Kan taksa tan pawh a lo tha lo hle bawk si a. Kei chuan ka fak dawn lo zel chu a nih hi. – Aputea

Tunlai hian khawlaiah addict an va han tam em em ve maw le! SRS kha din a ni leh tawh tih ka lo hria a, han che leh vat vat teh se, zanah phei chuan kawngpui lun deuh laiah hmeichhe tan phei chuan kea kal a ngamawm loh lek lek mai. Min tibuai miah lo mah se an zi luai luai a, ngaih a ngam thei lo tlat. – Azuali

Mosolman-ho hi ka ngaihtuah mai mai thin a, heti em em maia an han râwng mai hi a mak ngawt mai. An chet dan hi heta tanga lo sawi vak hi chu a sawt lo mai thei a; mahse, an chet dan em em zel hi a rapthlak lulai deuh chuan ka hria a ni. An kut tuartu hi ka ni ve ang tih ka hlau em mai, ralkhat atangin ka lo khawngaih thin! – Masangtei

Kan cable TV-ah hian hnam dang film tha tak tak, kan tawng ngeia en ve theiha an leh hnu an rawn chhuah thin hi ka lo fak khawp mai a. Keini ang Mizo tawng bak thiam nei lo tan phei chuan a tha lehzual niin ka hria a. Chutih rual chuan Mizo tawng an hmang dik lo thin erawh ka lo vei ve deuh thin a, entir nan hmeichhiain a pianpui mipa ‘nuta’ kan tih thinte ‘unaupa’ an han ti tlat a; a hmeichhiatpui a pianpui pawh ‘laizawn’ kan tih thin ‘unaunu’ an han ti a; mipain a pianpui hmeichhia ‘farnu’ kan tih pawh ‘unaunu’ an han tihte hi a tha lo ka lo ti a. Tin, mipain ‘vah’ nei ang deuhva an let fo pawh hi sap leh tawng dangah chuan a dik mai thei a; mahse, kan tawngah chuan mipain ‘vah’ an nei ngai lo va, kan farnute fa hi kan ‘tu’ thin a, hmeichhia pawhin a laizawn fa chu a ‘fa’ ang a ni bawk a. Chutiang deuh chuan Mizo deuhvin let mai se mipa tan ‘tu’ leh hmeichhe tan ‘fa’ angin let mai se ka lo ti ve thin. A?harsa vak chuangin ka ring lo. – ZO hmangaiha

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?