Sawhkhawk (July 30, 2017)

SAWHKHAWH of the day
He Mizoram, Kristian ramah hian Mizo Kristiante heti tak maia inhmangaih tawnna kan tlachham ta leh mahni hma kan sial em em ta hi eng nge maw awmzia ni ta le? Dawt sawi hreh miah lova motor kan lei vangte hi a ni mai lo maw? Motor dahna in (garage) ka nei ti veka motor lei kan ni awm si a, Aizawl leh khawpui hrang hranga kawngpui dung hi kan motor dahna in a ni si a. Engtin nge he Kristian ramah hian rorelna dik a awm theih tak ang le? Tun sorkar kan hrawn mek hi tute vanga sorkar nge ni? Mizo mipuite vang a ni lo’m ni? Tute nge a mawhphur ta ang le? Mi duham leh pamhamin mi duham leh pamham, dawt sawi hreh loho kan in-vote tling tawn vel mai mai a ni e. Kohhran Pathian khawpuia roreltute lah chu he leiah nuamsa bawk, vanah nuamsa bawkin an awm hmel si a. – Tea, Azl.

Kar hmasa ‘Ka Huang’ kha a va tha zual ve. Pu Chhuanliana ziah tawh zawng zawngah a lunglenthlak ber mai! – Asiama

Harhna kan chang mek a, a ropui mup mup khawp mai. Hmannia Aizawl fang chhuaka inbingbiletho phei kha chu an chhuanawm ngawt mai. Chutih rual chuan tunlaia ‘ze khelh’ an ti emaw ni hi hriat thiam a har ngawt mai. Pathian hnathawh hi keini mihringten kan hriat thiam vek phak zawng a ni hauh lo va; mahse, Thlarau Thianghlim hi sexy taka lâm tur zawnga thawh te, khawvel pawhin sual nia a hriat zu ruih leh damdawi ruih angtea awm hi a thawh dan a ni thei dawn em maw ni le? Val hi ka buai a ni! Han sawisel deuh hlek lah hi a changtute hian an ngaithei tehchiam lo lehnghal a, kan dim lutuk hian kan tino zo ni pawhin a ngaih thei. Dim si, a kal sual lo tawka ven dan tawk thiam a harsa ngawtin ka hria. – MkSiama

Isuan a hmangaih che’ kan tan a tuarnate hi a na em a, a kut chelhin amah pan ang u. Hun a hmawr tawh si a, he thu hi mi dang 20 hnenah thawn chhuak rawh. I thawn chuan kar khat chhungin malsawmna i dawng ang. I thawn lo a nih chuan kum thumah i tan an chhia a lo thleng a, hei hi America ram tawngtai miten an dawn a ni. – @

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?