Sawhkhawk (July 8, 2018)

Sawhkhawk of the Day

Tun lai chu sorkar lai pawhin tan an la nasa a ni ang, khawi khawiah emaw thil thar an hawng a, bial hrang hrangah eng eng emaw hun an hmanpui nasa hle mai. A lawmawm khawpin ka hria. Chutih laiin eptute pawhin a remchang apianga sorkar lai thil tihfuh tawk loh an aupui reng bawk a, hetiang reng hian kan ram hruaitute hian kan ram hi veiin thawk nasa sela chuan tuna kan dinhmun ang lek hi chu kan ni lo vang maw le!! – Am-i

 

Pathian hnen lam hi tang ila, ani pawh hi kan lamah a tang thuai mai a ni. Pathian hnaih takin hun i hmang zel ang u. – Azuali

 

Kar hmasaa hnam dangte zinga rawngbawlna kha ka thlawp zawng tak a ni. Ni e, an hnam ze mil hian an hnenah hian rawng bawl ila, khuang hnih chumchilhpui hi tum kher lo ila, chu chuan nasa takin kan rawngbawlna hi a tisawt ngeiin ka ring a ni. – Puitei

 

Cement zuartuten a titotute an han zawrhsak duh lo ngat mai hi chu an fakawm ngawt mai. An ui khawp chuan ka ring ve a; mahse, Mizo tanghma ngaiin an ti niin ka hria. – 8794686442

 

In chanchinbua dan leh hrai lam in rawn ti tel hi a lawmawm hle mai. A ziaktuin a rawn ziah ang deuh khan, Mizote hi hetiang lamah hian kan chhah hlawm khawp mai a, kan hriat loh zingah pawh kan hriat loh lam tak hi a nih a rinawm. Hetianga keini mi mawl ber pawhin awlsam taka kan hriat theih tura in chhawp chhuak hi a lawmawm ka ti a, kei ang bawkin mi dang pawhin an hlawkpui ve ngei ka ring tlat a ni. – Mapuia pu

 

A dik chiah mai, tawngpawng BJP hlauh ringawt hi a ni ber lo va, hlauh loh em em ringawt pawh a ni chuang hek lo. Keiniin kan lo rin anga langsar taka min beih hi chu a rinawm loh, an fing em mai, chu ai chuan zawi zawia kan rilru an hneh dan tur hi an ngaihtuah reng dawn, chumi chu uluk taka thlirin fing taka kan hlauh zawk hi a ngai a ni. Tuna kan hlauh ang em em hi chuan an che pup pup lo vang. – Sangpuii

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?