Sawhkhawk (June 15, 2014)

Puipun nikhuaa pungkhawmho tam ber Mizo, mipui awihlim tura zaite lah Mizo ni bawk siin kan irawm chhuak hla tha leh mawi tak tak tam vei nen, sap hla a tam zawk mahin an tepui chiam zel mai hi an intihlu lo sawt zawk a ni. Sim atan a tha khawp mai. Zopa/Zonu irawm chhuak ngeiin inawi hlup hlup tawh thinten ang u. – Thlirtu

Chief Minister hian thu tha ve fu fu han sawi ve thin teh mah se, beng a thlep tlat. – Citizen

Tlawmna Nun tak tak chu mi sual kan nih kan inhriat chhuaha simna nun tak tak kan neihna atang lo hi chuan a hriat fiah theih loh a ni. Mi hmuhsit te, mi huat neih te, aia hnuaihnung zawkte en hniama engahmah ngaih lohnate hi tlawmna nun miin a neih loh vang a ni a. Tlawmna nun neitute chuan mi zawng zawng a hmangaiha enhran leh thleibik an nei ve tawh ngai lo. Pathian chuan mi thleibik a nei ngai si lo va. – 8415052704

MZP-ten Zofate Chawlhbuk sak an tumna hmuna MZp signboard tar lakthlak phuta Chakma NGO-ten by-election hial boycott-a lungawi lohna an lantir hi Mizoram laka helna dik tak a ni a. Sorkar pawh hian a hai ka ring lo. Kan ram humhalha sorkar a la ngawi tlat mai hi mak a ti a, tih loh sual lian tak hi hriatthiam harsa ka ti takzet a ni. Chuvangin, chinghne beram vun sin inhlawhfa berampu nen eng nge an danglamna ka ti a nih pawhin min dem lul suh u. A mak thin em a ni!! – Maenga BVT

Hmanni chu Saiha nula pakhat nen ka titipui e ka tia, in man hi a va to ve ka ti a. Ani chuan nangni Mizo hmeichhiate chu in man a tlawm a, inthen pawh in awlsam reng alawm a ti a. Nangni Mizo a tih hian ka ngaihtuahna a ti kal thui khawp mai, Mizovah a inchhiar lo tihna emaw ni le? – ZORE Fanai

India ram hi eng sakhua mah duhsak bik leh thuneitu bik awm lohna a ni. Mi tupawhin a duh ni-ah dawr a hawngin a khar thei, intihluih theih a ni lo. Tun hma khan eng Kohhran emawin an tam chhuangin mi tlemte Chawlhnia thil zuarte kha an khap thin a. Kan ni serh a inang lo a ni mai a, hetiang a nih chuan Inrinni serhho hian Inrinniah dawr hawn loh tur ti ve ta mai se, kan buai luai luai ang. Chuvangin, tupawh hi India danpui hnuaia awm kan ni a, tumah dipdal si lova zalen taka kan awm hi kan chanvo, a saptawngin rights a ni e. Kan thu khar nan, tupawhin a duh ni-ah dawr a hawng thei tih hi, dan lam zir nan ka’n thawh ve a ni e. – Matea Pu

Hla siamtuin thu a tam, hla a tam a lo ti a, pawm dan leh ngaihdan pawh a inang vek lo. Chuvangin, Pathian thu tak sawi thinte hi kan ti leh thin a, tu thu mah hi a dik vek bik lo, Pathian thu hi dik ber leh tha ber chu a ni mai. Pathian thu tak tlangaupuitute hi khawvel chu sawi loh, Kohhran chhungah pawh hian an leng tawh meuh lo chu a ni. – Tha Sal

TV fakna leh eng ilo velah hian Mizo tawng ziak dan dik hi ngai pawimawhhram hram teh ang u. A bikin heng ‘ah, in, a ni, ani’ tihte hi tunlai hian a ziak dan dik lova ziak a tam hle. Hetianga hman dik loh hi hmuh leh chhiar a khamawm hle a ni. Fakna (advertisement)-ah phei chuan a faktutekha hnim hnaihan châkawm loh sawt zawk! – Pakula

Kan Mizoram, Kristian rama kan khawsakpui kumkhua, Tuikukte chuan an duh hun hunah Mizote min ru bo fo va, min that fo ta mai hi Mizo Kristiante kan dawihzepzia mi an hre chiang ta a ni e. Tuna an ruk bo mek khul chhuahna tur pawisa an la phut ngam lehzel a maw? hawh u, Mizo Kristianten kan Mizopui khul chhuahna tur chu Tuikuk mipuite hnen atangin i khawn khawm ve tawh mai ang u. A khawn khawm dan tur han rel teh u khai, MZP leh MSU te khan… – Tea, Azl.

Pawl chhuak chuan anmahni an inhre ngei ang. Tin, Archive Hall-a inkhawmte hi pawlah buai lovin Krista chanchin kan buaipui zawk a, van thilpek vawi khat tem tawh hnua tluksan leh mai lovin, pawla la buai hi chui tawngtaipui zawk ang u. – Truth Prevails

Keima sawisel ni lovin, Pathian thuin a fak lo a ni zawk. Lunglei zaithiam chhuanvawr chu a Pathian hla sak laia a inchei dan kha chu a mawi lem lo hle mai. Lengzel leh lenglawng sa chu ni se a pawi lem lo; mahse, Pathian fakna hla sa a ni tlat alawm. Chuvang chuan engpawh ni sela, a awm dan chu Krista chanchin tha nen inmawi phawt rawh se. Mizovin kan hman culture-a inchei dan kan nei a, Mizo hnam culture kha chawisang ve se a that ka ring. Sapho chu an hnam culture ang khan lo inchei mah sela kan sawisel phak a ni reng reng lo; mahse, chu pawh chu hmeichhiain mipa thawmhnaw inbel a mawi lo va, mipain hmeichhe thawmhnaw inbel a mawi lo a ti si a ni. A lo ngaisangtute mit a khup a, kan beng a thlep hlawm a ni. – Malaria PV

KTP/TKP, a bik takin ka’n ti teh ang. Hman deuh atang khan Kristian Hla Bua hlate hi an pawngsualin an phingchil a ni ber mai. Hla Bua hlate hi a bua a thluk ang taka dik taka sak tur a ni a, Pathian lehkhabu thu pawh a ziak anga dik taka chhiar mai tur a ni. Mahni duh ang anga tihdanglam tur a ni lo, Pathian Kohhran pawi nasa tak in khawih tih lo hre teh u. Hetianga hla sa, a thluk mahni duh thua tidanglamho hi Kohhran emaw, KTP/TKP hotute hian a solfa dika sa turin lo hrilh teh u. Chuti lo zawng Hla Bua hlate hi a thluk dik lova sak leh duh duha tihdanglam theih emaw thangtharte hian an ti palh hlauh ang e. – 9856835945

Central YMA?hian zu a do ang hian ei rukna hi do se kan ram hi kan rin phak bakin a nuam ang (zu in mi leh zu duh loho tan pawh; tin, piangthar leh thar lo tan pawh). Ka ngaihdan leh hmuh dan dik takah chuan CYMA?hian ei rukna hi a do ngam thlawt lo a ni. Zu zuar a dap leh action a lak ang hian ei ru dap chhuak ve se, ensante pawh tawk ve se, chhanchinbuah te chhuah hmingchhe ve se, a tul chuan kut hialte pawh thlak ni ve se (an tang lui a nih chuan); tin, Branch-te pawh in-duty chhawk ve thei se a lawmawm ngawt ang. Kan ram hmelma lian ber leh hlauhawm ber chu zu ni lovin EI RUKNA?hi a ni. YMA?tang fan fan!! – TETE DA?BOZO?KID

SAWHKHAWK of the day
Khawvela ram nei reng reng lo, Chakmate tihuangtaua ti pawngpawrhtu hi chu tuna kan hrawn lai, Congress Ministry chiah hi an niin ka hria. Engvanga an sorkar apianga Mizo pa fel tak tak aia Chakma pa, Mizo tawng pawh thiam mang lo ring zawka Minister atana dah ziah nge an nih? AN vote duh vanga va tlawna Minister hiala hlangkai ziahtu leh hnam dang duhsak riautu hi Mizo mipuite hian eng angin nge kan ngaih le? Kei chuan ram leh hnam chhiat vek oawh oawisa lova Nawmsakna Addict-ah heng mite hi ka ngai a ni.?- Jonathana Pu, Azl.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?