Sawhkhawk (June 24, 2018)

Sawhkhawk of the day
Inthlan a hnai leh ta bawk a, chanchinbu leh chanchin tharah pawh thil dang a leng leh ta lo. Rorel lai chhiatna lai dap thawm a ring a, rorel laiin a theih theihnaah an chet thatna tihlan tumin thil hawn an nei reng bawk. Inthlan dawn ang reng hian sorkar hian thil thar hawn tur hi nei reng sela, eptute pawhin hetiang reng bawk hian rorel lai hi nawr ngar ngar peih sela chuan kan ram hi a kâng awk awkin ka ring deuh. A tua mah hi kan tang reng thei lo thin em a ni! – Mazuala

In chanchinbua dan leh hrai lam in rawn ti tel hi a lawmawm hle mai. A ziaktuin a rawn ziah ang deuh khan, Mizote hi hetiang lamah hian kan chhah hlawm khawp mai a, kan hriat loh zingah pawh kan hriat loh lam tak hi a nih a rinawm. Hetianga keini mi mawl ber pawhin awlsam taka kan hriat theih tura in chhawp chhuak hi a lawmawm ka ti a, kei ang bawkin mi dang pawhin an hlawkpui ve ngei ka ring tlat a ni. – Mapuia pu

A dik chiah mai, tawngpawng BJP hlauh ringawt hi a ni ber lo va, hlauh loh em em ringawt pawh a ni chuang hek lo. Keiniin kan lo rin anga langsar taka min beih hi chu a rinawm loh, an fing em mai, chu ai chuan zawi zawia kan rilru an hneh dan tur hi an ngaihtuah reng dawn, chumi chu uluk taka thlirin fing taka kan hlauh zawk hi a ngai a ni. Tuna kan hlauh ang em em hi chuan an che pup pup lo vang. – Sangpuii

Pi B.Sairengi tu leh fate tawrhna hi a rapthlak a, an thenawm khawvengte tawrhna pawh a rapthlak zual. Chutih rual chuan a hma daih atang tawhin he in hi thiata tun ang rup rupa chet ngai lo tur hian a awm theihin ka hria a, sorkar hmalakna a chak lo niin ka hria. A neitute tan chuan thiah ngawt chu a uiawm ngei ang; mahse, vantlang tana him lo a nih miau avangin khawng takin a kal ve ngam tur niin kei chuan ka ngai a ni. Thiat thuai sela, a bul hnai a khawih chhe lutuk tur pawh a veng deuh thei ngeiin ka ring, che thuai teh se, a hlauhawm em mai. – Mamuana

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?