Sawhkhawk (June 25, 2017)

SAWHKHAWK of the day
Hnam dang zinga rawng kan bawl dan hi thlak a hun a ni. Keini pawh sap lo kal hmasate khan an ziaa Kristiantir min tumna kha tun thlengin kan ram leh hnamah inhnialna a la neihtir phah a. Zu chungchangah pawh hian ‘sual’-a min ngaihtir tlat avangin tun thlengin sual kan la ti a; thil tha chu ni hauh lo mah se kan hnam nena inzawm tlat thil hi a ni zawkin ka hria a; chuvangin, an zirtirnaah khan felhlel deuh awmin ka hria a ni. Hnam dang zinga rawngbawlnaah pawh hian Mizo Kristiante zia leh tih tur ang zawng zawng hi tihtir tum lovin, an hnam ze milin, an rimawi hmanrua leh an lâm dan chen hian an hnam milin tihtir mai ila, hla pawh anmahni hnam hla thluk zawng ang zelin; tichuan, kan rawngbawlna pawh hi a sawt sawtin ka ring ve deuh. – 9436198987

In chanchinbu a chhiar a manhla zel e. Hma in sawn zel niin ka lo hre ve ringawt mai a. A hmel pawh a mawi viau mai a; mahse, milem in dah tam tak hi chuan lan dan a tichiri deuh em tih ka lo ngaihtuah ve mai mai. In thuchhuah thin erawh a bengvarthlak a, chhawr mai theih thu thate hi a ngaihnawm thin a ni. – Sma

YOGA kan ti maw? A duh chuan lo ti rawh se; mahse, Krista neitute tan chuan tih a rem lo a ni. Kristian ka nih chuan ka tih awm leh awm loh a awm; mahniah hian a chiang mai. Chu chu zawm mai ang u. – Asiami

Kohhran hian YOGA hi heti kauva a hlauh danah hian an biak pathian aia thiltithei zawk ni theia an ngaih vang a ni deuh ber mai lo maw? Hriat hmaih an neih erawh chu Hindu-ho hian mi tumah hi an sakhuaa seng lut tura tanlakna an nei ve ngai lo. Yoga hlautute hian an rinna lam a nghîng thei niin an ngai a nih deuh ber!

Tun karah YOGA Day kan hmang zo ta a, titi a va han tam tak em. Whatsapp leh social media dangah pawh kan inhriat siak a, kan inhlauh siak a, kan inchhui thui siak ni ber maiin ka hria. Mi pangngai deuh chuan kan hre vek, Hindu sakhua nen a inzawm lo ti eng ang mah se a bul chu a ni tho tho. A that leh that loh chu ka sawi thei lo, insawizawina tha chu a ni mai thei; mahse, a bul chu a Kristian viau lo a ni mai ni. – 8794863294

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?