Sawhkhawk (March 12, 2017)

Sawhkhawk of the day
Engatinge maw ni kan ram, a bikin kan khawpuiah hian electric current hi a khât tawka nileng leng maia awm loh hi kan la neih fo mai ni. A bikin chawlhah lah hian an ti thei khawp mai a, tunlaiah chuan thing mistiri chu sawi loh, cement mistiri thleng pawhin electric hmang lo chuan hna kan thawk thei tawh lo hi a ni tawh a, chawlh ni hi a awm tak tak tawh mang lo. Hei aia regular deuhva tih theih hun hi a nghahhlelhawm khawp hian ka hria. – Mistiri lungmawl

Tunlai chu Pu Chhuanliana a awm ngai lo va, a ngaihawm angreng hle mai. Mahse, a thu ziaka a insawi angin a kum hi a tam ve tawh em a, kar tin a ziak thei ta lo a nih pawhin a awm lohna ka hre lem lo. Chutih rualin rawn ziak zel thei sela chu ka ti khawp mai. In article chhuah dangte pawh hi a tha viau zel mai, ka bengtivartute in ni takzet a ni. – Mapuii

Kar hmasaa pakhatin Pu Lalthlamuana Ralte thu ziak kha ka duhzawng tak a ni. Zoram Ni an sawi tehchawk hi ka lo ngaihven vak ngai loh thil a ni a, kha thuziak avang khan ka ngaihven phah ta khawp mai. Min tibengvartu tha tak a ni. – Sangtea

Miss Mizoram thlan chuan titi a siam nasa hle mai, a bikin bikini round khan. Kan ram hi Kristian ram kan inti tehchawk a; mahse, Kristian rama thleng awm lo tak tak hi a thleng nasa khawp hian ka hria a. Keia lo ngaihdanah chuan kan nulate pawh hi inphelhin lo awm mah sela a awm lo tihna ka nei lo. Kan rama kan nunphung leh kan tun lai khawvelin a hrin ni tawh maiah ka ngai a ni. Tin, kha round khan kan Miss thlan hi a vawrh lar hle mai a, a thlangtute chuan tifuh an intih viau ka ring bawk. – Mazuali, TKK

Saptawng thiam lo chungchang kha ka lo sawi veleh lawk teh ang. Kei chu a saptawng thiam lo kan inkhel thiam kha ka thiam lo lo tih ka sawi hmasa phawt duh a. Chutih rual chuan hnam dang nena kan intehkhin fo erawh hi chu a dik lohna chen a awmin ka hria. Hnam dang (a bikin Korea leh Spain etc.) angte hi chu an tawngin engkim an sawi thei a, ‘hello’ tih thlengin an tawnga sawi duan tur an nei a. Keini chu kan ni ve lo va; chuvangin, a thleng thui deuh tur hi chuan eng emaw chen saptawng hi kan thiam ve a ngaia hriatna ka nei ve mai mai a ni. – 8794686442

Tunlai chu kan ramah hian Pathian thu danglam tak tak hril an tam leh ta vak lo a ni maw? Ni e, Pathian thu hi mi tam tak hi chuan an hril risk ve deuh ni hian ka lo hre thin. Mi hlim kan tih tam takin ‘a lang’ an tih thin pawh hi an rilru an kawmnaa an rilrua an ngaihtuah chhuah mai mai hi ‘a lang’ tiin an sawi mai thin niin ka hria, Pathian aw ni lem lo hi an tlangaupui fo hian ka hre ve a ni. – Sylvia

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?