Sawhkhawk (May 6, 2018)

Sawhkhawk of the Day
Chhim lam politics chu a va ngaihnawm rem rem ve aw!! Kristiante tana hnawksak tak nia kan hriat thin, BJP lah chu sorkarna siam tum party pahnih chuan an dah langsar viau mai ni hian a hriat a, tu tak sorkar ang maw? Tuna ka lo thlirna atang hi chuan, mi thiam zawk leh thlir zau zawkten an sawi thin angin, MLA inthlan hi tuna inthlan hian a nghawng pha dawn ni hian a lang a. Rorel lai tan pawh sorkarna siam tuma tan lak a ngai hle dawn tih a lang reng mai. Chutih rual chuan Kristiante hal em emtu nia kan ngaih, BJP thawhpuitu zawk hi chu MLA thlan lo awm turah hian mi dang tan beih an nuam dawn ropui hian ka lo hria a, a bikin ZPM tih vel tan hian Kristian tana hnawk tak thawhpuitu hi sawisel an nuam dawn khawp mai. Tu ber nge sorkar dawn ta ang aw…, kan ngaihcang thup a nih ber hi! – Muanpuia

Tun Pathianni chhuaka Pu Muantea thu ziah ka lo chhiar atanga ka rilrua awm ta chu, CADC inthlan hian MLA thlan hi a hril ve thei dawn a nih si chuan, tuna kan rorel lai hi an nghing tihna a ni mai ang em? Hetia han ngaihtuah mai hi chuan mipui nawlpui hi chuan a ngai hi chu kan ning tawh ni hian a lang a; mahse, a thlakna tur hi han ngaihtuah tel chiah ta ila, itawm an awm bawk si lo. Tangrual pawl leh Prism tih vel lai hi sorkarna siam tak tak khawp an la nih hmel bawk si lo va. Heti hian ka ngaihtuah ta a, CADC inthlan ang deuh bawk hian engtin tin emaw, party pahnih pathum tangrual hi kan hrawn ve mai dawn tlata hriatna hi ka nei deuh reuh tlat mai. – Makimi

Chakma ramah chuan tute ber maw sorkar dawn ta a? A va buai nuaih nuaih ve! Politics hi chu a ngaihnawm ve hrim hrim mai, inhmang lem lo leh ngaihven vak lo tan phei hi chuan a mak angreng duh khawp mai. Hetia lo thlir maina atang hi chuan BJP leh Congress chu thawkho thei miah lo tur an nih hmel a, chutiang bawkin Congress leh MNF pawh. Chuti a nih chuan MNF leh BJP kha thawkhovin an sorkar mai tur kha a nih hmel hle mai a; mahse, politics-ah chuan thiang lo hi a lo awm lo takzet a nih dawn hi ka ti ta. Rin loh ang deuh deuh chanchin kan hre ta teuh mai ka ti. – Pa Siama

CADC inthlan result a lo chhuak a, BJP hi ngaihthah mai mai chi an nih lohzia a lang chiang ta hlein ka hria. Tuna kan hmabaka MLA inthlan lo awm turah hian seat hnih emaw tal hi chu an la mai ang em? State dang anga ram lak duai duai hi chu an la harsat rih mai thei a; mahse, anni hi pawisa an nei dawn tih a lang reng a; tin, an sorkarna state leh India pum thlir pawhin, an campaign au hla hi an tihlawhtling thei em em mai bawk si a, a langa sawi ri ngam chiah lo tan pawh an rorel dan hi kan ram tan hian a awhawm riau hian ka lo hria a. Hei chen party dang kan lo hrawn tawh a, an intiam ang hi mipui min hmuhtir ngai mang tlat lo mai a. BJP hi chu an intiam ang hi an tihlawhtling zung zung bawk si a, kan rinna nena inhmeh lo em em mai sakhua nena inzul hi ni kher lo sela chuan an awhawh ngawtin ka hria. – Mapuia

Kan khawpui kawngpui tawt lutuk tihziaawm nana lirthei intlanchhawk kan rawt hi a tirah khan kan duh lo viau ni khan ka hria a; mahse, hei, rei kan kalpui a, ngaiah kan neih leh ta chu a ni mai a, a tha phian mai. Chutih rual chuan kawngpui hi a tihthawl phah em tih erawh ka zawhna a la ni reng mai. – 8794686442

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?