Sawhkhawk (October 7, 2018)

Sawhkhawk of the day
Pathianni hmasaa Pu Lalthlamuana Ralte thu ziah chu a tha hle mai, kan sorkar hian hetiang hian ti vek thei sela chuan he ram zim te hi chu kan changkang chak ang maw le!! Kan hruaitu lo neih tawhte hian a ngaihna hi an hre tak tak lo ni mai hian ka hre thin. Hetiang sawi mai theih chin hi chu an hria ang a; mahse, thui tak kalpui tak tak tur hi chuan a ngaihna hi an hre tawk lo thin emaw ni? An policy hi chu inthlan hma hi chuan a tha thin khawp mai a; mahse, a tua te pawh hi han tling sela, an ti leh tak tak ngei lem hlei lo va, a buaithlak a ni. Ram hi a lang mai hi chuan kan hmangaih em em a, thawh lai hi a lo buaithlak a ni ang e!! – Sam

Tunlai chu eptu party lianin nuam an ti hle mai; mahse, anni hi an sorkar leh a nih pawhin a hma ang bawk kha an nih leh dawn chuan ram hian chuti takin hma a sawn phah leh chuang dawn si lo. ZPM lah hi an thawm hi a reh riau hian ka lo ral hriat ve ringawt mai a, anni hi chu la sorkar em lo turah erawh ka ngai hrim hrim bawk. A enga pawh chu lo ni ta se, Congress ai hi chuan MNF khan an thawk tha em aw chu ka ti ve thin, a chhan chu MNF sorkarah kha chuan mipuiin ni tina kan mamawh kha kan hnianghnar deuh zawkin ka hria a, gas vâng leh kawng chhia tih angreng hi a tam vak lo zawk niin ka hria. – Thangtei

District politics chu a ngaihnawm ngar ngar hle mai. A tu bera nge thiam lo hi chu hriat ni chiah lo mah se, Congress hi chuan an chhiatpui dawn a ang hlein ka hria. Vice President leh General Secretary meuhvin an chhuahsan chuan, politics thil lovah pawh, KTP leh Kohhranah pawh ni se, Chairman leh Secretary chu pem ta daih sela, rin aiin a buai loh theih loh vang, politics, inchirhtheh leh inbeih zuina hmunah phei chuan rin aiin a nghawng hi chu a lianin ka ring. Congress lamin uiawm tehchiam lo leh phurh phaha an insawi hi chu anmahni hnawk tituten an lo phur phah ang a, a puma thlir erawh chuan a nghawng a na ang. Mahse, MNF chu ka ni kher lo.. hahah – Steven-a

Congress-in an Vice President an hnawt chhuak a, MNF-a lut tur ang deuhva thawm a awm mek lai hian, ZPM hi an va reh angreng ve! Tun lai chu Pu Zira politics bak hriat tur a awm lo va, Congress leh MNF nen sawi zawm loh theih loh an ni bawk si a, ZPM thawm lian tak hi a reh ta niin a lang rih. Kei chuan Congress hun hi a liam leh tawh nia ngaihna ka nei. India-ah state hnih chauh an nei tawh a, pakhat chauhvah an tla lo vang tih hi sawi ngam harsa lo tak a ni tain ka hria. – Mazuala

Bru-ho chu engtin maw an awm zel dawn? Autonomous District Council hial an dil ta a ni maw? An huangtau salh salh hle mai. Heti khawp hian sorkarin a buaipuiin chhawmdawlna pawh a pe tha dawn a, chuti chunga an lo let duh lo leh phut an nei sang lutuk hi chu a manganthlak a nih hi. Sorkar lah hian engtin nge a kalpui zel dawn ni? NGO-te hi an dinna ngaiah ding reng sela, tuna an kalpui lai ang bak hi chu kalpui zui zel lo teh se. – Sangtei

Tunlai chu Treasury Square, Congress Bhavan chhukthla leh Treasury bazar velah hian damdawi ti hi an va han tam em em ve maw le!! A bulhnai vengte an tanrual kha chuan a ziaawm viau kha a nia, tun lai hi an inthlahdah deuh em ni aw…? A eng emaw zawng chuan heng addict-ho hi an khawngaihthlak ve phian bawk a; mahse, khaw êngah, miin kan hmu reng a ni tih hriat lai ngei pawha an kap an keu sawt sawt a, an han inchiu ngam ngat zel hi chu hauh mai an awl khawp mai. – Hmachhuani

Tunlai hian No. 4 hi a tam a ni ang mwa? Khawlaiah hian a ti leh a lei, a zuar hi an tei deuh suau suau ni mai hian ka hria a. A bikin Aizawla a lun lai, Treasury leh Zodin Square velah phei hi chuan chhun vanglai pawhin an inzuarin an inleisak ngam hlawm, mi pangngai zawk hi kan zak lek lek zawk fo mai. Politics lama thil thleng kan ngaihven em em rual hian hetiang lam hi kan lo ngaihthah deuh nge maw ni? A buaithlak riau mai. – 8794686442

Sorkar hun tawp, inthlan hun a hnai ta bawk a, kan Minister-ho pawhin thil ropui tak tak an hawng sup sup mai alawm le!! Chanchin thar enin ngaithla ila, khawilai khaw chengker ve tete-ah pawh eng building thar thar emaw an hawng zur zut mai. Eptu lam lahin sorkar hmalakna fuh tawk lo lai an lo zawng ve ngar ngar bawk a, a ngaihnawm hun lai a ni. Chutih laiin inthlan dawna lo awm ve ziah, a hma zawnga kan hriat ngai ni lem lo, Pathian rinchhan inti deuhva pawl ding leh inthlan chuh tum an lo inlar leh ta bawk a. Mak tak maiin, heng Pathian rinchhan intite hi an tling duh mang miah lo; Pathian hin inthlana dinga tla turin a ko zawk nge ni dawn ni? Mak ve tak chu a ni!! – 8794686442

MNF sorkar leh se ka tihna ve em em pakhat chu, sikul tan hun an sawn hma tur leh zu zawrh an titawp tur hi a ni. Keini ang chhangchhe nu tan chuan sikul tan hma hi buaina tham a ni tak zet mai. Zu zawrh lah hi mipui nawlpui tan hian a tha lo, Kristian rama zu zawrh hrim hrim hi a inhmeh thei thlawt lo. Congress hrim hrim ka duh lo hran lo, he thil pahnih titawp thei hi kan ram hian a ngai a ni. – Mamuani

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?