Sawhkhawk (Sept. 10, 2017)

Sawhkhawk of the day
Pathianni hmasaa in rawn chhuah, sikul tan hma chungchanga zirtirtute tanna kha a awm ka tihpui. TV lamah an sawihona pawh ka lo en ve a, sikul tan hma hi kan society nen hian a inmil kei chuan ka la ti thei ngang lo. A hrechiang ber zirtirtute ngaihdan kha sorkar hian zawm hlauh sela aw…- Puii

Tunlai hian kan ramah kawngpui chhia a lar hle mai a, sorkar lam an insawi fiah sek bawk a. Heti tak maia kawngpui chhiaah hian insawi fiahna hi pawm chi ni pawhin a lang lo, titha duh ni sela hun a tam lutuk. A hrim hrimin mi state pawh a chhe reng bik lo, ngati nge kan state-ah hian kum tin maia kawng chhia avanga rik hluai hi a awm ziah bik mai ni? Tu sorkar mah ka dem hran lo, kan sorkar hrawn tawh zawng zawng hian kawngpui hi an siam tha thei lo vek mai niin ka hria. – Ama

Mizoram University lamah Vice Chancellor nghet neih ngiatin zirlaite an nuar mek tih thawm a lo ri a. Sorkar hian engtin nge chet lak a tum zel ang aw? Zirna ngai pawimawh ti, world class education min pek tum sorkar kha an nia, an theih chinah chuan an ngawih loh lo ring ve phawt mai teh ang aw… – Fakpuii

Kawng chhia avangin mi eizawnna an tithuanawp mek tih sorkar hian a hria em aw? Tuna kawng chhe lutuk avanga lirthei service-tir ngam lote hi chhungkaw pa, nupui fanau chawm te an ni a. Mahni lirthei khalh lote pawh an ni tho vang. Lirthei neitute tan pawh a na lutuk an ti ve lo em ni? Tuna insawi fiah a hun lo, ngatinge a siam that thei hun lai khan an siam that loh. Mi ram, tlangram ve bawk pawhin fur an thleng fo, an kawng a chhe reng lo. A buaithlak a ni. – Sylvia

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?