Sawhkhawk (Sept. 17 2017)

Sawhkhawk of the day
Inthlanpui kan hnaih leh deuh tawh bawk a, chanchin thar ngaihthlak leh chhiarah party hrang hrang inchirh thehna lam hawi lek lek leh neuh neuh dang a tam leh tan ta. Mizote hi duham, sum hmuhna tur min tawktarh chuan mahni vote pawh hralh phal ang lek lek hian kan awmin kan insawi fo va, a dikna chen pawh a awm ang. Chutih ruala rilrua lo awm chu kan sorkar hrawn thinte hian min sawp rethei thin em mai a, anmahni an intihlenzia lak kan hre ve kur hlawm bawk si a. Rethei chuan sum hi kan lo it lo thei lo va, tlem tê, chawlhkar hnih khat lek pawh kan lo kân ve emaw, kan mamawh zualpui emaw min phuhruksak thei anga min han thlema min han dawr hi chuan tlawm mai a awl a ni. A nihna takah chuan sorkar kan hrawn thinte hian min tirethei lutuk a, mahni hlutna pawh dah pawimawh zo lo khawpa tlawma min siam avangin sum hi kan bawh leh mai thin niin ka ngai deuh. – Puii

Kar hmasaa Lalthlamuana Ralte thu ziak chu a tha hle mai. A sawi ang khan kan hnam hi kan tlem si a, min chimtute hi an pung chakin keini lah inven hi kan thiam lo nasa mai si a. Hausak kan duh lutukna lamah te hian kan bawh huam huam a, kan hnam himna hi kan ngaihsak hman meuh tawh bawk si lo va, ILP chungchangah te hian tlema kan beng kan tihvar peih ve deuh hi chu a ngai a ni. Kan hnam tlem tak hi tun aia tlem tur hi chuan insiam lo vang u khai! – Muana

Kawng chhia buaipui ram kan ni! A engvanga heti tak maia kan kawngpui hi chhe hma nge maw a nih bik thin le? Sorkar pawh dem ngawt theih pawh a ni lo, a siam laia viltute pawh hi an demawm thovin ka hria. An siam chauhva, a chhe leh hma em em zel a, a eng emaw laiah hi chuan fel lo a awm a ni ang. Curruption pho ro tumtute hian han check deuh tak tak ngam sela chuan kan kawngpui pawh hi a tlo deuh ka ring. – 8794686442

Kawngpui chhiat avanga state khat ve meuh bandh hi state dangah hian a awm tawh ang em tih ka lo ngaihtuah mai mai a. A lo awm a nih pawhin a tam ka ring lem lo. Kan sorkar (tuna mi chauh lo pawh) hi a inngaihtuah harh ve deuh hi chu a ngai a ni. State puitling, hetiang ve rengruang tawh hi a zahthlak lutuk ve deuhvin kei chuan ka lo hria a ni. – Ama

Kan ramah hian kum tin mai hian kawng chhia hi kan buaipui a, a buaithlak a ni. State pakhat ve meuh, lehkha thiam tamna, kawng hrang hranga hmasawn em em si leh mi retheite chawikan nan tia sum pawh a thlawna sem thei sorkar kan nei a. Kawng chhia hi kan inhmeh lo. A nihin a ni lo hrim hrimin! – Mapuia

Kan kawngpui chhia kan buaipui a, a tha lai, kan khawpui chhungah lak kan che hleithei chuang lo va, ruahmanna fel lo khawpuia cheng kan ni. – Ampuia

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?