Sawhkhawk (Sept. 30, 2018)

Sawhkhawk of the day
Pu R.Lalzirliana chu Congress chuan an hnawt chhuak ta ngei mai a, tu tan tak chuan pawi ang maw? Tuna lang chin maiah hi chuan ama tan hian a that hmel rih khawp mai a, a bial mipuite pawhin an la duh hmel viau mai a, Tawlhloh Puan hial an lo bahtir a, inthlanah pawh hian eng party-ah pawh ding sela, a tlin ngei a rinawm hle a. Tun maiah chuan atan hi chuan chhuahsan hi a tha kher lo a nih pawhin, a pawina a la awm rih lo. Congress lam erawh Pu Hawla’n an boruak a tha zawk angin sawi mah se chuti tak chu an ni lo, a tuk lawkah mi dang, an party-a nihna pawimawh tak an hnawt chhuak zui nghal a, eng emaw hi chu a awm chiang tih hi a lang reng mai. Inthlan dawn lai a nia, hetiang chiah hi lo beisei lo mah ila eng eng emaw hi chu a thlen a rinawm sa kha a ni. A enga pawh chu ni sela, Congress hi a nawlpui hian kan ning ve tan em tih hi a ngaihtuah theihin ka hria a, party dang lah rin kan nei chiah bawk si lo, Mizo mipui hi lai deuh hian kan awm a. MNF lah kan lo hre chiang tawh a, ZPM lah kan ring ngam chiah bawk si lo, a tenau deuhho lah eng an nih kan ring ngam bawk si lo ni mai hian ka hmu. – Muanpuia

Congress chu Pu Zira an chhuahtir a, mi dangin an zui nghal a. Pu Rinliana, an General Secretary a nghet lo nia sawi a ni bawk a, ani pawh mi lawk deuh dangin an zui ve mai ang em? Hetih laiin ZPM lamah MPC-in MLA an neih chhun lah a nghing bawk tih sawi a awm a, Hetia han ngaihtuah mai hi chuan MNF hi an lang vawng larh larh hle ni hian ka hria. ZPM hi an puho hian han enchhinhi duh viau mah ila, CM atana mipuiin an duh ber lai pawha tling thei lo an vawrh chhuak tlat si a, an chuti lutukin ka ring lo deuh bawk si.- Mahruaitei

Congress chu phur tulh tulh angin an han insawi na a, kei chu a nih chiah chu ka ring lo. Chutih rual erawh chuan Pu Hawla hi Mizo zingah na na na chuan politics thiam bera ka ngaih a ni a, engtin emaw tak chuan, mawi takin, party buai nuaih lo hi chuan a chhuah leh theih mai hi chu ka ring a; mahse, an insawi ang em ema phur tulh tulh ang hi chu an nih chiah rih chu ka ring lo. Pu Zira chhuah hun kher kher hi chu an tan chuan a fuh lo viau niin kei chuan ka ngai a ni. – Amatea

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?