Sawhkhawk (September 2, 2018)

Sawhkhawk of the day
Bru-ho hi an ninawm zozai ta hle mai. Mizoram sorkar leh kan tlawmngai pawlte pawh an tawlh nasa zozai ta hle niin kei chuan ka hria a, heti chunga eng eng emaw lungawi lohna an la zawng reng mai hi chu min zuam laklawk tawh lutuk niin ka hria. Tun tum chu sorkar laipuiin meuh pawhin an awmna kharsak hmak a tum bawk a, tih tak takin ti sela, a lo kir duh lo lui talh hi chu an awm awmin awm mai sela a thain ka ring tawh. Eng party mahin remchanna lo leia eng emaw lo tih ve sek tum lo hram bawk sela, tunah mai ni lo, nakin zelah pawh chu chu an rilru ni zel bawk sela, heti hian, theihtawpa thlem pawha an duh loh na na na chuan lo kir lo tawp sela tih hi ka ngaihdan a ni tawh tawp mai. – Maste-a

Pu Chhuanliana leh Pu Lalthlamuana Ralte an lo kir leh ta a, in chanchinbu pawh a ngai a ni leh ta e. Pu Chhuanliana ‘Ka Huang’ hi amah hian a chhuang lo viau mai a, a inthlahrun thu pawh a ziak chamchi thin a; mahse, ka tawng a huat thu suhah, thutak pai ren run lem lo, hahdam taka chhiar mai theih a nihna lai hi a hlutna lai niin ka hria a, ngaihnawm ka ti ve riau thin. Pu Muantea te ang ziah hi chu keini ang mi mawl tana fin phahna a ni ve thin a, ngaihdan mumal deuh kan lo neih ve phah theihna a ni bawk a, a tha viau zel mai. – Mamawitea

Party hrang hrangin thu an tiam lai hun lai a ni bawk a, kan chanchinbu leh chanchinthara an thu sawi an ziah leh puante chu a ngaihnawm hlawm thin hle mai. An han sorkar chiah hian han bawhzui nghal thin zel sela chuan, kan ram hi hmanah khan khawvela ram nuam ber hi a ni thei hial tawh ang maw le? Tun tumah pawh hian kei chu tute mah hi an thu sawi kawnga rin hi ka nei tak tak chiah tawh lo. Kan la hrawn loh, tangrual pawl inti, ZPM leh Pathian hming nena lam pawlhte pawh hi han sorkar chiah pawh ni sela, chuti tak hian an ropui tehchiam bikin ka ring lo deuh tho mai. – Muana

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?