Sawhkhawk (September 6, 2017)

Sawhkhawk of the day
He Mizoram, Kristian ramah hian Mizo Kristiante hian heti em em maia sum leh paia khua kan hmu lo ta mai hi tute mawhphurh nge ni ta ang le? Vairengte chhak, Kristian ram china mahni ram chhunga thil thar chhuah leh ram pawn atanga lak luh leh motor chi hrang hrang chuanman leh lu meh man leh hlawhfa rate thlenga kan tito leh vawkte man heti em ema a to tate hi Mizote hi Pawisa Kristian, Thatchhe Kristian kan ni ta em ni le?! Bible-in ‘Tangka sum ngaihnat hi sual tinreng bul’ a ti bawk si a, thatchhiat a phal bawk si lo va; chuvangin, kan Kristian ramah hian sual tinreng a pung ta a ni e. Nakinah chuan SUM KOHHRAN leh PAWISA KOHHRAN a la awm lo vang tih pawh a sawi theih loh ve! Nge, an lo tam tawh zawk le? – Muana

Mi ram sorkarte hi chuan an khua leh tuite tan an theihtawp an chhuah a, an intodelh im em a. Keini sorkar ve hi zawng kan ni tin ei leh bar mamawh vete chu kum a kal zel angin kan tla thla ve hret zel a ni mai a. Tunah patlingin kar khatah buhfai kg 1 a dawng pha hram a ni mai a, ngun taka ngaihtuah chuan kan sorkar chak lutuk lem lo hian min rawk zawk a ni mai lo maw tih mai a awl khawp mai. Road tax kum 15 atan min laksak leh a, HSRP min hman luihtir a, a buaithlak a ni. – Tluanga

Congress sorkar a ngialngheh chhan riau nia ka hriat chu MLA/Minister a thenkhatte hi KTP Leader rual lek lek an ni ve a; mahse, zu leh sa, mipat hmeichhiat, ei rukna lamah sawisep an kai lo bawk a. An senior-te lah Rotekawla vawkpa anga ro hran han rel lah an awm hek lo, hei hian malsawmna a keng niin ka hria. – M2

Kan ram hi a tichhetu chu hnam dang ni lovin keimahni Mizo ngei hi kan ni e. KAN RAM hi a chhiat lohna tura daitheutu tur mi tha, mi dikten hmun an chang si lo. Kan ram hi a damlo a ni e. Pathian duh dana roreltu kan neih theih nan thahnemngai takin i tawngtai zel ang u. – 9856836216

Kristian ram ni si, Mizoram anga nuar, lungawi lo, kan duh lo bang rawh se, kawngzawh etc. tamna hi a awm ve ang em? Hei vang pawh hian kan Kristianna hian kan nunah awmzia a neih tlemzia a tilang chiang hle mai. – 8575321003

UID kan buaipui kha a reh ta a, a ti lote kha an buai em, a tite hi an buai em? Eng vak chu a ni lo emaw maw ni le? A?ti lote hi an buai zawk mah lo maw tih ka lo ngaihtuah mai mai. – Sanga pu

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?