Sept. 18 atang Praise On 2018

Aizawl; Synod Information & Publicity Department (Synfo)-in Kristian Thalai Pawl (KTP) Branch emaw, Bial emaw aiawh tur Beat Group intihsiakna, Synfo Praise On 2018 a buatsaih tur chu September 18, 2018 atangin Synod Studio-ah tan a ni dawn.

Ningani khan Synfo Praise On 2018 Organising Committee hi Chairman Upa Zonunmawia, Synfo Coordinator kaihhruaiin Synod Utility Room-ah an thukhawm a, Praise On 2018 kalpui dan turte relin Organising Committee member an ruat belh a, Programme Committee an din nghal bawk. Praise On 2018 hi Kristian Thalai Pawl Bial/Branch behchhanin Beat Group Intihsiakna anga kalpui tur a ni.

Praise On 2018-ah hian KTP Branch emaw, Bial emaw aiawh tur Beat Group 2 aia tam lo tel theih a ni dawn a, Group pakhat-ah hian member 6 aia tam lo an awm thei dawn a ni.

Intihsiakna hi round thuma neih a ni dawn a, Round 1-ah hian Group tinin minute 10 aia rei lo chhungin (instrument siam rem chhung leh an zai zawh hun thleng) an zai dawn a. September 7, 2018 thleng duh tan hming pek theih a ni dawn a ni.

First Round hi September 18-21, 2018 chhungin chhun lamah intihsiakna neih tur a ni a. Second Round chu October 16-19, 2018 chhungin neih a ni ang a, Final Round hi November 6-9, 2018 chhunga neih a ni thung ang.

First Round hi Synfo Studio-a neih tura ruahman a ni a. A bak round dang erawh chu an la ngaihtuah tha leh dawn a a. Synfo Praise On 2018 intihsiakna kalphung tur hriattirna hi KTP Bial leh Branch hrang hrangah thawn chhuah mek a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?