SIM Global Director-in BCM puipa kawm

Aizawl; Serving In Mission (SIM) hruaitu zinga pakhat, Philburman, Global Deputy Director for Strategic Development chuan Mizoram Baptist Kohhran tlawhin an puipate nen an inkawm.
SIM Global Director hian BCM inkhawmpuia rorelna sang ber, kar hmasaa Lunglei Venglai Kohhrana neih tak, Assembly 2019 pawh a hmanpui tawh a, he inkhawmpuiah hian Fraternal Delegate zinga mi a ni.
Thawhtanni khan BCM Headquarters Office, Serkawn tlawhin BCM puipate nen an inkawm a. Philburman chuan mit ngeia BCM rawngbawlna a hmu chu lawmawm a tih thu leh an lo dawnsawn danah lawmthu a sawi a. Khawvel ram tina Chanchin Tha hrilh darha a awm zel theih nana thawhhona tha tak an neih avangin lawmthu a sawi bawk.
BCM puipate nen hian thawhona kawng hrang hrangte thlirin an sawiho nghal a ni.
SIM hotupa hi Rev. Remlalliana Fanai-in Mizoramah a kaihruai a. SIM hi Mizoram Baptist Kohhranin Chanchin Tha hril rawngbawlna lama a thawhpui pawimawh tak zinga mi a ni a, anni nen hian Thailand, S.Africa (Kenya leh Ghana)-ah te thawkho mekin India ram pawn lama BCM missionary eng emaw zat chu SIM hian an hlawh a tumsak mek a ni.
&&&&&&&

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?