SIPMIU-in bawlhhlawh phur motor 54 pe dawn

Aizawl: State Investment Program Management & Implementation Unit (SIPMIU) chuan Asian Development Bank pawisa hmanga NERCCDIP program hnuaia an lei bawlhlawh phur motor 54 chu AMC hnenah naktuk October 2, 2017 hian a hlan dawn.
SIPMIU-in bawlhlawh phur (garbage vehicle) a lei hi bawlhlawh sawngbawl dan changkang zawka kalpui a nih theihnana kalpui a nih thu SIPMIU hotute chuan Zalen hrilhin NERCCDIP hnuaia Solid Waste Resource Management sub-project pakhat a nih thu an sawi a. Aizawl chu North-East khawpui zinga Asian Development Bank sum hmanga garbage vehicle lei hmang hmasa ber a ni dawn niin an sawi bawk.
Garbage vehicle lei thar hi Tata 407 LPK leh Tata Xenon chhasis behchhana siamdanglam a ni a. Tata 407 LPK 50 leh Tata Xenon 4 lei niin rawng hring leh rawng pawlah then a ni a. Rawng hring bawlhhlawh \awihthei phur tura ruahman niin rawng pawl chu \awihtheilo phur tura ruahman a ni bawk. Tata 407 hi 25 ve ve-in a hring leh a pawlah then a ni a, Tata Xenon pawh 2 ve ve-in rawng pahnihah hian then a ni bawk.
Tata Xenon hian bawlhlawh cubic metre 3 a phur thei ang a, 407 LPK hian cubic metre 8 a phur thei ve thung dawn a. Bawlhhlawh phur lirthei chi hnihte hian chhin an nei ve ve a, Central Pollution Control Board duhdan zulzuiin bawlhhlawh a buak theih lohna tura duan a ni, mipuite pawhin felfai taka tibaw neih nuai loa bawlhlawh an paih theih nan uluk taka duan a nih thu SIPMIU hotute chuan an sawi a ni.
Bawlhhlawh phur motor thar hi SIPMIU chuan AMC hnenah a hlan ang a, AMC ruahmanna hnuaiah hman a ni dawn a. SIPMIU hotute chuan tuna bawlhlawh paih dan kalphung chu tihchangkan chhoh hret hret a nih tur thu an sawi a. Lirthei an lei thar chu an hmasawnna pakhat a nih thu an sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?