Special educator nei turin CBSE in ti

Aizawl: Central Board of Secondary Education (CBSE) anmahni a in affiliate school zawng zawngte chu rualbanlo zirlaite leh tanpui ngai bik zirlaite tanpuitu tur Special Educator nei turin a hriattir.

CBSE atanga thudawn danin he hmalakna zawm lo school an la awm thu a sawi a. Persons with Disability Act, 1995 in a phut dan chuan rualbanlo zirlai, tanpuina nasa zawk mamawh te ngaihsak tur tur tih a ni a, National Policy of Education in rualbanlo zirlaite ngaihsak chu a phut bawk. Hemi pahnih te bawhzuina a nih thu CBSE atanga thudawnna chuan a sawi bawk.

Hemi chungchangah hian Mizoram Institute of Comprehensive Education (MICE) Principal Lungngailova chuan sorkarah Special Educator an dil thu Zalen a hrilh a. ”Special Educator chu sorkarin min pe thin a, nimahsela post nghet a ni lova. Sorkarah post nghet turin Mizoram sorkarah kan dil mek a ni,” tiin a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?