SS kum chanve exam

Aizawl; Mizoram Baptist Kohhran Calendar-a angin vawiin hi Mizoram Baptist Kohhran chuan Sunday School kum chanve exam an nei dawn a, Mizoram pumah Pathianni chawhma inkhawm banah exam hi neih a ni ang.

Mizoram Baptist Kohhran hian kum tin an tih thin angin June Pathianni hnuhnung ber hi kum chanve Sunday School exam hun atan an hman thin a. Senior A leh Senior B chu a bu ena exam tur a ni a, Pathianni hmasa khan Question hi semchhuah tawh niin mahni in lamah an chhang mek a, vawiin hian an chhanna an thehlut ang.

Intermediate chin hnuai lam chu a hmunah exam tur a ni a. Kum chanve exam question hi headquarters atanga siam lovin, Pastor Bial Sunday School Committee-in an bial chhung theuh atan a buatsaih thin a ni.

Christian Education Department Director, Rev. P.C.Liandula chuan department aiawhin kum chanve exam tha taka nei theuh turin Kohhran member-te ngenin duhsakna a hlan a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?